IQNA

23:54 - June 08, 2020
د خبر لمبر: 3483237
تهران (ایکنا) - د بریتانیا په څو ښارونو کې پرون پرله‌پسې دوهمه ورځ په زرګونه کسانو د نژادي تبعیض او د پولیسو د بې‌رحمیو پر ضد مظاهرې وکړې.

دغه مظاهرې په امریکا کې د تور پوستو ژوند ارزښت لري، د مظاهرو په ملاتړ وشوې چې د هغه هېواد په ډېرو ښارونو کې له څو ورځو راهیسې روانې دي.
دغه مظاهرې د امریکا په مینیاپولیس ښار کې د مې په ۲۵مه د یوه سپین پوستي پولیس له‌خوا د جورج فلوید په نوم د یوه تور پوستي د وژل کېدو په غبرګون کې راپارېدلې دي.
د بریتانیا په بریستول کې شااوخوا ۱۰ زره کسانو ګډون کړی و.
په لندن کې مظاهرې د امریکا سفارت ته نږدې پیل او د بریتانیا صدراعظم بورېس جانسون تر هستوګن ځای یې دوام وکړ.
دغه‌راز د اروپا په څو نورو ښارونو، کوپنهاګن، بوداپست او مادرید کې هم د امریکا سفارتونو ته نږدې مظاهرې وشوې.

تهران پښتو راډيو

د خبر لمبر:
بريښناليک:
* ستاسو نظر:
* captcha: