IQNA

17:00 - January 18, 2022
د خبر لمبر: 3485289
تهران (ایکنا) - دغه غونډه کې چي د خراسان رضوی د  آستان له لوري تر سره شوه د ایراني شخصیتونو پشمول  له بېلابېلو هیوادونو څخه بهرنيو شخصیتونو هم ګډون درلود .

ایکناخبری آژانس د پارس ټوډې له قوله راپور راکړ،د مشهد  خراسان رضوي آستانې په کوربتوب سره دایران او نړۍ له مختلفو هیوادونو څخه د لسګونو متفکرانوا و غوره شخصیتونو په شتون سره د زړونو د سردار جنرال قاسم سلیماني شهید دمفکورې  او د فلسطین دمقاومت  په باب سیمنار ترسره شو .

په دغه سیمنار کې   لبنانۍ لیکوالې میرمن لیلی مزبوتی په خپلې وینا کې  وویل: سردار شهید سلیمانی د مقاومت د محور په پیاوړتیا کې اساسي رول درلودلی، د اسلامي انقلاب د سپاه پاسدارانو د قدس   ځواک د مشر په توګه د هغه تر ټاکلو وروسته په لږه موده کې لبنان د اسرائیلو له نیواکه خوشي شو.

میرمن مزبوتي زیاته کړه: مقاومت به د سردار سلیماني لاري ته دوام ورکړي، که څه هم ځینې عرب هیوادونو له صهیونیستي رژیم سره اړیکي ټینګي کړي بیا به هم د مقاومت ځواکونه د صهیونیستي رژیم د اشغال په وړاندې مبارزې ته دوام ورکړي.

همداراز په دغه سیمنار کې فرانسوۍ ډایرکټري «کریسټین ګیوم» هم پخپلې وینا کې وویل: لکه څرنګه چي ارواښاد امام «خمینی» ره د اسلامي هیوادونو د وېښتیا سبب شو، شهید سردار سلیماني هم په اسلامي هیوادونو کې د مقاومت د پیاوړې کېدو سبب شوی دی .

امریکایي لیکوال او مدني فعال جان جیمز هم پخپل وار په وینا کې د داعش ترهګریزو فعالیتونو ته په اشارې سره وویل: که په عراق او سوریه کې شهید سردار سلیماني رول نه وای لوبولای، مسلمانان به له عامې وژنې سره مخامخ شوي وای، او د داعش په مټ به  په مسلمانانو کې  د هلوکاسټ پېښه رامینځته شوې وای.

هغه زیاته کړه: شهید سردار سلیمانی څو اړخیزه شخصیت درلوده، په داسي حال کې چي متفکر، اتل او د پلان په جوړولو کې ماهر و، خو ډېر نجیب، خاکساره او زړور کس و.

   https://parstoday.com/ps/news/iran-i111176  

د خبر لمبر:
بريښناليک:
* ستاسو نظر:
* captcha: