IQNA

د حضرت امام حسن عسکری(ع)دشهادت په مناسبت درته تسلیّت وایوو

10:58 - October 05, 2022
د خبر لمبر: 3486289
 ایکنا-(تهران)۲۵۰ قمري کال د ربیع الاول د میاشتې په اتمه نیټه د اسلام د ګران پیغمبر حضرت محمد مصطفی (ص) یو پاک لمسی او د امامت او ولایت د آسمان یولسم ځلانده ستوری حضرت امام حسن عسکري علیه السلام د عراق په شمال کښې په سامرا ښار کښې شهید کړی شو.

د امام حسن عسکري علیه السلام نهویشت کلن ژوند په  دریو پړاونو ویشل کیږي لومړی پړاو دیارلس کاله دی چې د هغه حضرت ژوند په مدینې کښې تیر شو له امامت څخه مخکې د عراق په سامرا کښې لس کاله وخت او دریم پړاو د هغه حضرت شپږ کاله امامت کول دي.

حضرت امام حسن عسکري علیه السلام د خپل پلار له شهادت وروسته د مسلمانانو دیني زعامت او مشرۍ پرغاړه واخیستله.

دغه بزرګورار امام د خپل علم او پوهې په مکتب کښې فضلیت لرونکي پوهان تربیت کړل چې هر یوه یې د بیلابیلو اسلامي علومو په زمینو کښې د لیکلو اثارو په پریښودلو سره د اسلامي معارفو د لوړتیا لپاره اغیز شیندونکي ګامونه پورته کړل .

د ایکناخبری آژانس درست کارکونکي د نړۍ درستو پتمنو  او په تیره بیا تاسو خوږو مینه والو ته  په دې مناسبت د زړه له  کومې تسلیّت وائي .

د خبر لمبر:
بريښناليک:
* ستاسو نظر:
captcha