طالبان: د فرانسې د خلکو د اعتراضونو جرړه، بې انصافي ده
ایکنا د پارس ټوډې له قوله راپور راکړ،د افغانستان د طالبانو د حکومت یوه جګ پوړی مسول مقام د فرانسې د وروستیو پیښو په غبرګون کښې وویل، د دغه هیواد خلک د بې عدالتۍ په وجه سړکونو ته راوتلي دي.
د تسنیم خبري آژانس د خبر له مخې، د طالبانو د واکمنې کابنیې غړي انس حقاني په فرانسه کښې د اعتراضونو په غبرګون کښې څرګنده کړه: د پاریس حکومت له زوره کار اخیستی دی او له زرو زیات معترضان یې زنداني کړي دي.
هغه په یو ټویټ کښې ولیکل: د اقلیتونو خلاف د فرانسې د پولیسو کړچار له توکمپالنې او تشدد سره مل دی چې زیاتره د پراخ عمومي اعتراض او قهر سبب شوی دی. حقاني هم داشان څرګنده کړه: د فرانسې خلک د دغې بې عدالتۍ په وجه سړکونو ته راوتلي دي.
د طالبانو جګ پوړي چارواکي وویل: هیڅ کوم لویدیځ هیواد او د بشري حقوقو سازمان له معترضانو ملاتړ نه دی څرګند کړی او د فرانسې حکومت ته یې نه دي ویلي چې له معتراضونو سره دې زیږ چلند نه کوي.
