د پاکستان پوځ وائي، نه مو امریکا ته کومه پوځي اډه ورکړې او نه به یې ورکړو

ایکنا - د پاکستان د پوځ ویندوي په راولپنډۍ کې په خبري کنفرانس کې اعلان وکړ چې پاکستان، نه کومه پوځي اډه امریکا ته ورکړې او نه به یې ورکړي. 

ایکنانیوز د پارس ټوډې له قوله راپور راکړ، د پآکستان د پوځ ویندوي جنرال احمد شریف چودري (Ahmed Sharif Chaudhry)  په دغه خبری کنفر انس کې د دغه راپور په ردولو سره،چې اسلام آباد امریکا ته دوې اډې ورکړي دي، زیاته کړه، پاکستان به خپلې پوځي اډې د هېچا په واک کې پرې نه ږدي.

احمد شریف چودري د دې پوښتني په ځواب کې، چې آیا پاکستان د بلوچستان په سویل لوېدیځ او د خیبرپښتونخوا په شمال لوېدیځ کې امریکا ته پوځي اډه ورکړې ده که نه؟ دا ادعا ئې یوازې تبلیغ وبلله.

وړاندې ناتائید شوي ادعاوې په رسنیو کې خپرې شوې وې، چې واشنګټن له اسلام آباد څخه غوښتي چې په دې هېواد کې د ایران، افغانستان او چین د څارنې لپاره، دوې پوځي اډې جوړې کړي.البته ددغه هیواد ځينو سیاسی مشرانو هم په دې ګونګوسو خپله اندیښنه څرګنده کړې ده.

https://parstoday.ir/ps/news/pakistan-i148698