په مکې کې د معبود د کور د زیارت شوق(فیلم او انځورونه)
ایکنانیوز د وحي له ټاټوبی راپور راکوي، د هر یوه مسلمان هیله، په مکې شریفې کې د معبود د کور اوخانه کعبې زیاتر کول دي او د حج تمتع په درشل کې ، الهي امن حرم نن سبا دله آسیائی، افریقائي ، اروپائي او امریکائي هیوادونو څخه د لکونو حاجیانو د شتون شاهد دی چې ځانونه ئې دغې مقدسې وادئ ته رسولي دي څو د حج تمتع مناسک ترسره کولو ته ځانونه چمتو کړي.
خانه کعبه چې له هرډول ککړتیاؤ او شرکه پاکه ده،نن سبا ددرستې نړۍ د هغو عاشقانو میعادګاه ده چې په دغه مقدس ټاتوبی کې ئې ګام کیښودلی څو د حق له حرمه ګیرچاپيره راتاؤ شي او د هغه دحریم له طوافه د بندګۍ او پاکوالي درس زده کړي.
د حج تمتع معنوی دستورې چې هر کال د ذیالحجې دمیاشتې په لومړۍ لسیزې کې ترسره کیږي، د اسلامی امت د قدرت د ځلا او د برابرۍ اووحدت تجسمي ولوله ده او دغه دستورې د سالام د هغو ولولناکو شعائرو دستورې دې چې هیڅ عبادت ورسره برابري نشي کولی.
په دغه مقدس ځاي کې درست حاجیانو خپله څوکۍ او مقام ،شتمۍ ،کور اوکاشنه پریښودلې او د هغه سپين قالیو په اچولو سره ئې چې دوی ته پکې د مرګ یاد چغې وهي ،د حق تعالی په درګاه کې حاضر شوي او د معبود دکور عظمت اوځلا نندارچیان دي.
دخدای د کور حاجیان او زیارتوال د حضرت ابراهیم(ع) دمقام تر شا دلمانځه له اداکولو او طواف وروسته د صفا غر ځاي ته ورځي څو په صفا او مروه کې اوه ځله چې نن سبا د یوه لوي هال په بڼه جوړ شوی ، او دمسجد الحرام په څنګ کې واقع دی منډې وهي او په حقیقت کې د صفا او مروه ترمینځ سعي او منډې وهل له ځان سره دمعرفت یو لوي سمندر هم لري.
هغه څه چې اهمیّت لري، دا دي چې حاجیان له دغه معنوی سفره وروسته باید د توحیدي اوابراهیمی بریاؤ د ساتلو او ورباندې د ځان پوښلو په فکر کې شي او د ځان جوړونې او تهذیب مرحلې ته ورسیږي او داسې پاک او مطهر شي چې ګواکې تازه زیږیدلي دي.
