د روسیې خبریال؛اربعین د نړۍ ترټولو مهمه پېښه او له بې عدالتۍ او ظلم سره د مبارزې سمبول دی
ایکنانیوز د پارس ټوډې له قوله راپور راکوي،د روسیې یو خبریال او لیکوال چې عراق ته د حسینی اربعین په زیارت کې د امام حسین (ع) د زیارت کوونکو د شاندار شتون د بیانولو او انځورولو لپاره تللی، په دې باور دی چې د اربعین سږ کال مراسم پر یو مذهبي رسم سربیره د څه د پاسه یویشت میلیونو کسانو له څرګند پیغام سره تړلي دي چې د فلسطین د خلکو لپاره د عدالت تامین غواړي او واضحه کوي چې نړۍ نه شي کولی چې دا مسله له پامه وغورځوي.
د پارس ټوډی د رپوټ له مخې؛ روسیې خبریال عباس جمعه، چې په کربلا کې دی، د یکشنبې په ورځ د خبرګزاري جمهوري اسلامي خبریال سره په ټلیفونی خبرو کې وویل: اربعین د مسلمانانو په ژوند کې یوه له مهمو پېښو څخه ده، اربعین د شیعه ګانو د دریم امام د سپېڅلې وینې یادونه، هغه ته د هغوی د درناوي او همدارنګه د ظلم او جبر سره د مبارزې سمبول دی.
هغه په عراق کې د حسینی اربعین د زائرینو په پراخه مراسمو کې خپل شتون ته په اشارې سره وویل: د هغوی پیغام روښانه دی، هغوی غواړي، هغه خلک هیر نکړي، چې قربانۍ یې ورکړې او پاتې د خپل امام په څېر د مقاومت لارې ته دوام ورکړي.
اربعین، د مسلمانانو د خواخوږۍ زمینه
دغه روسي ژورنالیست وویل: د اربعین په ارتباط نه یوازې شیعه، بلکې ټول مسلمانان یو ملت کیدای شي، ځکه کربلا ته د تللو په لاره کې مې د ځينو زيارت کوونکو په لاسونو کې د فلسطين بيرغونه هم ولیدل.
هغه وویل: د فلسطین لپاره د ایران، عراق، یمن، سوریې، لبنان او نورو هیوادونو ملاتړ د دې ثبوت دی چې ریښتینی ایمان تل بریالی کیږی، دغه راز ټولې شخړې موقتي بڼه لري، خو د اربعین مفهوم او ماهیت له دې څخه ډېر لوړ، پراخ او ژور دی.
جمعه زیاته کړه: اربعین د یو مسلمان په روح کې نغښتی دی، هغه مسلمان چې د مظلومو او کړاوونو د ژغورلو لپاره خدای ته راستنیدو ته چمتو دی.
غرب به هيڅکله حسیني اربعین درک نکړي
دغه مسلمان شوي ژورنالیست زیاته کړه، لویدیځ هیڅکله په اربعین نه پوهیږي او ویې ویل: کله چې زه خپلو اروپایی او امریکایی همکارانو ته ووایم چې زه کربلا ته د سفر په وخت کې وړیا خورم، څښم او درملنه کوم، دوی باور نه کوي.
هغه زیاته کړه: په لویدیځ کې خلک تل په ویره کې ژوند کوي ځکه چې دوی د روح ابدیت هیر کړی دی.
دوی خپل ځانونه د مادي توکو سره محاصره کوي او په خپل ټول ځواک سره دوی سره تړلي دي، ځکه چې دوی نور هیڅ نه لري.
د دوی کور، موټر، بانکي حساب ټول هغه لارې دي چې نورو ته د دوی شتون ثابتوي، نو دوی موږ نه پوهیږي.
په دې ډول چې موږ د مختلفو سیارونو خلک یو.
