IQNA

په نیجریه کې د شیعیانو کړول او اذیت کول دوام لري

15:23 - October 24, 2024
د خبر لمبر: 3490056
ایکنا – د نجیریه په تیره بیا په کادونا ایالت کې اهل تشیّع  په مختلفو پلمو سره د ایالتي چارواکو له خوا سخت کړول کیږي.

ایکنانیوز د ملل فرهنګ او د ټولنې د خصوصي ویب پاڼې  له قوله راپور راکوي،په کادونا ایالت کې مسلمانانو ټولنه په تیره بیا  ددغه ایالت د یوه اهل تشیّع  یحیی ګیلما د کور د وړانولو په ناڅاپي خبر سره  غافلګیر شول

د اسلامی غورځنګ یوه خبریال  له یحیی ګیلما په کادونا ایالت  کې د ځاي حکومت په وسیله د هغه د کور د ورانولو په باب خبرې کړي او  له هغه ئې د هغه د کور د ورانولو په اړه پوښتنې کړي دي.

هغه په د غو خبرو کې  ووئيل، داکتوبر په اتلسمه نیټه د کادونا ایالت د ښار د پلانونې او پراختیا ادارې ځینو کارکونکو  هغه ته اطلاع و رکړه  چې باید په ۴۸ساعتونو کې کور خالي کړي ،ځکه له مجوز پرته جوړ شوی دی.

 د چټي په ورځ په نیمه شپه  په یوه بولډوزر سره   هغه کور ته ورغلل او ددغه کور لویه برخه ئې ورانه کړه. هغه زیاته کړې چې دغه اقدام د هغو ورانونو  په شان دی چې  ددغه ایالت  مخکیني حکومت  په دغه ایالت کې د ځينو مسلمانانو او دشیخ ابراهیم الزکزکي  د پيروکارو په ضد  ترسره کړي دي.

ګیلما ټينګار کړی چې  د هغه مځکه او  کور د رسمي مجوز په اساس جوړ شوي او څومه لسیزه ده چې  ورڅخه استفاده کوي او  د جوړونې د مجوز د نه شتون موضوع بې اساسه او چټي ده.

https://iqna.ir/fa/news/4244099

captcha