د فلسطین دملت د برخلیک د ټاکنې د حق په پوره کیدا سره په لودییځي آسیا کې سوله ټینګیدلی شي

ایکنا - دایران خارجه وزیر به پرتګال کې د ملګروملتو دتمدنونو د ائيتلاف په نړیوالې غونډې کې ووئيل؛ په لویدیځي آسیا سیمې کې د سولې پوره کیدا د فلسطین د ملت د برخلیک ټاکنې د حق پوره کیدا او د نیواکګرۍ او آپارټائيد ختمیدا ته ضرورت لري.

اسلامی ایران  د هیوادونو ترمینځ دګډسوله ایز ژوند د لوړتیا لپاره  د خبرواترو ملاتړی دی

زمونږخبریال د ایرنا له قوله راپور راکوي،  دایران د اسلامی جمهوریت خارجه وزیر  عباس عراقچي  ووئيل،ایران  په مخینه لرونکي  او بډاي  تمدن او کلتور څخه په برخمنیدا سره  د هیوادونو ترمینځ د سولې او ګډ سوله ایز ژوند   دلوړتیا لپاره  دخبراترو او تعامل ملاتړی او جارچي دی.

 عباس عراقچی پرون  په پرتګال کې د ملګروملتو د تمدنونو د ائيتلاف  د ټولنې په لسمې ناستې کې  پخپلې وینا کې  د سیمه ایزو بدلونونو او سولې د موضوع په باب  د ایران  ددریځونو په بیانولو سره  د فلسطین د مظلومو خلکو  د نسل وژنې   اوقتل عام له امله  انساني بوږنونکي غمیزې ته اشاره وکړه او  د صهیونیستي وحشي  رژيم ددوامدارو جنایتونو په تیرو ۱۴ میاشتو کې ئې  د نړیوالو اورګانونو  په بې عملۍ سختې نیوکې وکړې.

عراقچی ووئيل، د صهیونیسټ رژیم جنایتونه او وحشیتوب ، نړیواله ټولنه  د یوه جدی امتحان په وړاندې درولې ده او  د ملګروملتو د امنیت شورا ، د انصاف نړیوالې  محکمې  او د نړیوالې جنائي محکمې په څیر  نړیوال اورګانونه  د بشری حقوقو او نړیوالو حقوقو د جدی خلاف ورزیو په وړاندې  پخپلو اصولي او بنیادي  مسئولیّتونو باندې  په عمل کې پاتې راغلي دي.

 د ایران خارجه وزیر  په لویدیځي آسیا سیمې کې  اوسنیو انساني بوږنونکو حالاتو ته له پامه پرته  په نړۍ کې د سولې او ثبات ټينګیدا ناممکنه وبلله او  ددې خبرې په کولو سره ئې  چې  صهیونیسټي جنایتکار رژیم   په تیرو څو لسیزو کې  د فلسطین د ملت  په له مینځه وړلو پسې دی ، ټينګار وکړ،  نړیواله ټولنه  ددغه استعماري اوتوکمپالې پروژې  د درولو لپاره فوري او هر اخیزو  اقداماتو غوره کولو ته اړتیا لري  او امریکا او نور هغه هیوادونه چې  د اسرائیلو له جنایتکار او تیریګر  رژیم څخه  سیاسی او وسلوالو ملاتړونو ته دوام ورکوي،   د دوي شریک او ملګري ګڼل کیږي او باید ځواب ویونکي شي.

د ایران خارجه وزیر  همدرااز  د فلسطین د  خلکو  له نسل وژنې سره د مقابلې په باب د انصاف نړیوالې  محکمې  د موقته فیصلو  د بشپړ اجرا  او هم د  صهیونیستي رژیم د لومړي وزیر  بینیامین نتنیاهو د نیولولپاره د  نړیوالې جنائي محکمې  له خوا د صادر شوي حکم  د فوري اجرا  غوښته وکړه او وې وئیل،  د صهیونیستي رژیم  د لیونتوب د کنټرولولو او ځواب وینې   لپاهر  له پریکنده او عملی اقدام پرته به ، د ملګروملتو  اعتبار او احترام  او د دوي لوړ ارزښتونه ونه ساتل شي.

https://iqna.ir/fa/news/4250728