د ایران حج او زیارتونو ادارې د سعودي عربستان "لبیتم" جایزه وګټله

ایکنا -  د ایران د اسلامي جمهوریت د حج او زیارتو د چارو  ادارې د حاجیانو لپاره د غوره اجرایوي خدمتونو د وړاندې کولو په دلیل  د  غوره  هیواد په توګه د سعودي عربستان له  حج وزارت څخه د "لبیتم" جایزه وګټله. 

د ایکنا د خبر له مخې، د ۱۴۴۶ هـ ق کال د حج مراسمو د پاي غونډه د یکشنبې په شپه د سعودي عربستان د حج او عمرې د چارو د  وزیر توفیق بن فوزان الربیعه په کوربتوب، د مکې مکرمې په مرکزي ودانۍ کې د نړۍ د اسلامي هیوادونو د حج وزیرانو او مشرانو په شتون سره ترسره شوه. 

په دغو  مراسمو کې د سعودي چارواکو له خوا د روان کال د حج تمتع د ترسره کولو لپاره د  د شوو پلانونو راپور وړاندې شو او د بېلابېلو اسلامي هیوادونو د ضیوف‌الرحمن   د کمیتي او کیفیتي خدمتونو د وړاندې کولو په اړه د دوی د ارزونو پایلې تشریح شوې. 

په دغومراسمو کې د لومړي ځل لپاره د ایران د حج او زیارتونو د چارو  اداره د حاجیانو  لپاره د غوره اجرایوي خدمتونو د وړاندې کولو په دلیل وستایل شوه او د "لبیتم" جایزه او د ستاینې  میډال  د سعودي عربستان د حج  د چارو د  وزیر لخوا د ایران د حج او زیارت د ادارې  مشر علیرضا بیات ته ورکړل شو.

https://iqna.ir/fa/news/4287375