د حاجیانو له خوا د مکې د واحاتو نندارتون تود هرکلی(فیلم)

ایکنا =   دعربستان په مکې مکرمې کې د «واحاتو» نندارتون، چې د درېیمې دورې لپاره ددغه هیواد د اسلامي چارو، دعوت او ارشاد  د وزارت لخوا د مکې مکرمې په  تلال ویلیج سیمې کې جوړ شوی، هره ورځ د سهار له ۱۱ بجو څخه د ماښام تر ۹ بجو پورې، د ذی الحجې   دمیاشتې تر پورې (۲۵ جون) پورې د حاجیانو، اوسیدونکو او مقیمینو هرکلی کوي.

 ایکنانیوز د واس له قوله راپور راکړی، د دغه نندارتون یو شمېر سټالونه  د سعودي عربستان د اسلامي چارو وزارت لخوا د حاجیانو لپاره شوي  شوي بریښنائي پروګرامونه نندارې ته وړاندې کوي، چې په هغو کې  د حج او عمرې درې اړخیزه تعلیمي اپلیکیشن اود  بریښنائي یا ډيجیټلی  کتابتون سټال  شامل  دي.

د مکې مکرمې د کتابتون په سټال  یا غرفې کې د دغه کتابتون نادرې  ډیجیټلي نسخې نندارې ته ایښودل شوي دي.

د نندارتون یوه بله غرفه یا سټال  د ملک فهد د مصحف شریف د چاپ مجمع  سټال دی چې د دغې مجمع لاسته راوړنې او آثار نندارې ته وړاندې کوي. دا مجمع د بیت‌الله الحرام حاجیانو ته د قرآن کریم یوه نسخه ډالۍ کوي.

دا نندارتون همدارنګه یوه غرفه لري چې د سعودي عربستان د اسلامي چارو وزارت لخوا په داخل او بهر کې د علمي او تبلیغي پروګرامونو لپاره وقف شوې ده.

د واحاتو نندارتون، چې د  حاجیانو او زیارتوالو  له تود هرکلي سره مخ شوی، هره ورځ د سهار له ۸ بجو څخه د ماښام تر ۹ بجو پورې پر لیدونکو خلاص دی.

https://iqna.ir/fa/news/4287382