د ملي یووالي ساتل اوس تر بل هر وخته زیات اړین دي

د ایران د اسلامي انقلاب ستر لارښود نن سهار د  ایران د اسلامی شورا له  او استازو سره په کتنې کې ټینګار وکړ چې د ملي یووالي ساتل  اوس  تر بل هر وخته زیات  اړین دي او د سلیقَوي، سیاسي او کاري  اختلافاتو راپورته کول، د شخړو او نیوکو په بڼه  له بل هر  وخته  زیات تاوان رسوي  . هغه زیاته کړه: لکه څنګه چې مونږ په په کرتو  ویليدي ، په بنسټیزو مسئلو کې باید له هېواد څخه یو غږ راپور ته شي  او ملت او سیاسي او مدیریتي ټولګه  باید د یوه  لاس په څېر یو موټی وي.

زمونږ خبریال  د رهبرۍ د ستر مقام د ویب پاڼې له قوله راپور راکړ،حضرت آیت ا... العظمی سید علی  خامنه اي  نن سهار د اسلامی شورا له مشر و استازو سره په کتنه کې،  د نړۍ د قانون جوړونکې جرګې یا پارلیمانونه ، د حقوقي وزن له پلوه ورته وبلل ، خو ټینګار ئې وکړ چې د نړۍ د جرګو په اړه د قضاوت اصلي معیار د هغوي حقیقي وزن دی، یعنې  موخې، د حرکت لور او دریځونه  دي. له دې اړخه، د ایران د اسلامي شوراځائيګی  او شأن په نړۍ کې بې‌ساری دی. البته، د دې باوقار  او شرافتمند مقام دوام او بقا  لوازمات او کړه ناکړه  لري چې د پارلیمان  استازي باید ورته ژمن وي.

حضرت آیت‌ا...العظمی سید علي خامنه‌اي د خپلې وینا په پیل کې  نیکمرغه غدیر اختر د ټولې اسلامي نړۍ لپاره واقعاً ستر او د پراخو اسلامي معرفتي مضامینو درلودونکی  نیکمرغه اختر وباله او دا مبارکه  ورځ او د امام هادي علیه السلام   نیکمرغه زوکړې په مناسبت ئې  د ایران ستر او شریف ملت ته مبارکي وویله.

هغه د نړۍ د قانون جوړونکو جرګو یا پارلیمانونو حقوقي شأن د قانون د ستر شأن له امله یو شان وباله او زیاته ئې کړه: قانون د بشري ټولنې د ژوند بنسټیز شرط دی او له عقلي پلوه، هغه قوانین چې د ډله ایز عقل په واسطه او د یو ملت د ټاکلو  استازو له خوا وضع کېږي، لوړ اعتبار او ارزښت لري.

د اسلامی انقلاب ستر لارښود  د ایران د ملت بې‌ساري استقامت او صراحت د لویو قدرتونو د بې‌ځایه خبرو او تپونکو سیاستونو پر وړاندې او د امام خمیني د رحلت د کلیزې  د مراسمو او د سلواغې د میاشتې د  ۲۲  په  لاریونونو کې د ولس  پراخ او ولولناک شتون ،سره له دې چې د  ارواښاد امام او اسلامی انقلاب پر ضد بې‌شمېره پروپیګنډې او تبلیغات موجود دي، د ملي اقتدار او پَخې ارادې څرګندې نښې وبللې او و ې ویل: دا اقتدار باید د استازو په دریځونو، د قوانینو او د وګړو   په منلو یا  ردولو کې څرګند شي، چې البته دا ځانګړنې تر ډېره  حده په پارلیمان کې  کې موجودې دي.

د اسلامی انقلاب ستر لارښود د ملي یووالي د ساتلو پر اړتیا ټینګار وکړ او وې ویل ؛نن سبا دا کار تر بل هر وخته زیات  اړین دی او د «سلیقوَي، سیاسي او کاري» اختلافاتو راپورته کول د شخړو او نیوکو په بڼه تر بل هر وخته ډير تاوان رسونکي دي . هغه زیاته کړه: لکه څنګه چې موڼږ په  کرتو وئيلي دي،، په بنسټیزو مسایلو کې باید له هېواد څخه یو غږ راووځي او ملت او سیاسي او مدیریتي مجموعه باید د یوې لاس په څېر یو موټی وي.

هغه د قواوو د مشرانو ترمینځ همغږي او ګډې ناستې د هېواد د مسایلو د حل لپاره مناسب فرصت وباله او وې ویل: د ځینو پړاؤنو په اپوټه  چې زمونږ د وړاندیزونو، لکه د مسایلو په ناستو کې حل او د اختلافاتو عمومي فضا ته ئې نه راوړل، ښه هرکلی نه کاوه،  اوس  د قواوو ترمینځ نسبي همغږي شته چې باید وساتل شي او د جبهې‌نیونې  او د جرګې د لوډسپیکر د اختلافاتو د منعکس کولو  د وسیلې ګرځېدو مخه دې ونیول شي.

حضرت آیت ا... العظمی سید علی خامنه اي د ایران د اسلامي جمهوریت پر وړاندې د ناسمو یا تور لګونکو  څرګندونو په وړاندې یو موټی، پياوړی او کلک غبرګون د استازو  یوه بله   دنده او د انقلابي‌ شونې یو مثال وباله.

ددغې کتنه کې په پیل کې دد ایران د  اسلامی شورا مشر ښاغلي قالیباف د تېر کال د ملت د منتخبو استازو د مهمو کړنو او د مقننې قوې د راتلونکو پلانونو په اړه خبرې وکړې او   وې ویل: زمونږ  له حکومت سره د مسئولانه  ملګرتیا اساس د اسلامی نظام کلي سیاستونه او د اووم پرمختیائي پروګرام د تحقق لپاره هڅې دي.

https://iqna.ir/fa/news/4287656