د ایران د اسلامي جمهوریت د نړیوال کتاب ۳۳ جایزه اعلان شوه
ایکنانیوز د ایرنا له قوله راپور راکوی،د ایران د کتاب او ادبیاتو د کوټې په نقل سره ، د ایران د اسلامي جمهوریت د نړیوال کتاب د کال ۳۳ جایزه په درو برخو کی یعني په تالیف، ژباړې او تصحیح – کې ترسره کېږي. دا جایزه هغو کتابونو ته ورکول کېږي چې په تېر میلادي کال (۲۰۲۴) کې په بېلابېلو ژبو د نړۍ په مختلفو هېوادونو کې (له ایران پرته) چاپ شوي وي. دغه مراسم د ۱۴۰۴ هجري لمریز کال د بهمن یا سلواغې په میاشت کې ترسره کېږي.
ناشران او لیکوالان کولای شي چې د ګډون لپاره د ۱۴۰۴ کال د وږي (سنبله/شهریور) میاشتې تر پای پورې د خپل کتاب یوه چاپي نسخه د جایزې دبیرخانې ته واستوي او برېښنائي نسخه ئې د جایزې په ځانګړې وېبپاڼه کې ثبت کړي.
د کتابونو موضوعګانې؛
الف) اسلامي مطالعات: کلیات، اسلامي معارف، د اسلام تاریخ، رجال، اخلاق، علوم قرآني، حدیث، د اسلامي متنونو ژباړه، قرآن څیړنه او تفسیر، فقه او اسلامي حقوق، کلام، فلسفه، تصوف او عرفان، د اسلامي علومو تاریخ، اسلامي فرهنګ او تمدن، اسلامي اقتصاد، اسلامي هنر او معمارۍ، اوسمهاله اسلامي مطالعات او نور اړوند موضوعات.
ب) ايراني مطالعات: کلیات، د ایران ژبې او ژبپوهنه، انسانپوهنه (مردمشناسی)، د ایران د علومو تاریخ، فارسي شعر او ادب، د ایران تاریخ، ايراني هنر او معمارۍ، د لرغوني ایران تاریخ او تمدن، د ایرانيو مفکرانو د آثارو ژباړې او نور اړوند موضوعګانې؛
د کتابونو ځانګړتیاوې
۱. په اسلامي لیدلوري او د ايرانيو مطالعاتو په برخې کې نوښت.
۲. لوړ فرهنګي ارزښت، د علمي او تحقیقي معیارونو درلودل او له باوري سرچینو څخه ګټه اخیستنه.
۳. د کتاب د مینځ پانګې او حجم تناسب، منظم فصلبندي، د مطالبو یو ډولوالی، د تخنیکي لستونو شتون، ویراستاري، ښه ډیزاین او له چاپي تېروتنو پاکوالی.
۴. د ژباړې په برخه کې د اساسي معیارونو مراعات کول.
۵. د انتقادي تصحیح قواعدو مراعات، اړین حواشي او توضیحات، او د نسخې بدل کافي وړاندې کول په تصحیح شوو کتابونو کې.
د جایزې دبیرخانې سره د اړیکې لارې
پته: تهران، خیابان انقلاب اسلامي ، خیابان جنوبی برادران مظفر ، کوچه خواجه نصیر ، پلاک ۲، لومړی پوړ – د پوست کود: ۱۳۱۵۷۷۳۴۱۱
ټیلیفون: ۰۲۱۶۶۴۱۵۲۵۵ – ۰۲۱۹۱۰۰۶۳۶۳ داخلي ۲۷۱
فاکس: ۰۲۱۶۶۴۱۵۴۹۸
برېښنالیک: bookaward@ketab.ir
https://iqna.ir/fa/news/4294676/
