د اُسوه ځوانو قاریانو ملي ټیم د حسینی اربعین له زیارت کوونکو سره مټ په مټ

ایکنا - د حضرت اباعبدالله الحسین (ع) د قیام له فلسفې سره آشنا کول، د قرآني ټولنیزو حرکتونو په ترسره کولو کې د شوق ،ولولې او د ځانباورۍ فضا رامنځته کول، د مقاومت د جبهې د قرآني کړچار پیاوړتیا او پراختیا، د مقاومت، پاڅون،سرښیندنې، قربانۍ او  له ځانه د تېریدو د روحیې پراختیا او خپرول، او د ډله‌ییز او تشکیلاتي کار تجربه ترلاسه کول، د اُسوه  ځوانو قاریانو د ملي ټیم د سفر مهمې موخې دي.

ایکنانیوز د اُسوه د قرآنيانو د بنسټ د عامه اړیکوله قوله راپور راکوي، د حسیني اربعین د ستر پلي لاریون په درشل کې، د قرآن کریم د ځوانو قاریانو ملي ټیم (اُسوه) د خپل فرهنګي او تبلیغي رسالت د ترسره کولو لپاره د زمري یا اسد د میاشتشې  له ۱۲مې تر ۱۷ نیټې پورې عراق ته سفر  کړی.

د اُسوه قرآنيانو د بنسټ د روزنیزو چارو مرستیال، حجت‌الاسلام مجید صادقي، وویل: د قرآن کریم د ځوانو قاریانو ملي ټیم یو شمېر غړي، چې «د اُسوه د قرآنيانو کاروان» په نوم ئې ګډون کړی و، له خپلو مسوولینو او روزونکو سره یو ځای، د امام حسین (ع) له نورو زیارت کوونکو سره مت په مټ، په نړیوال حسیني اربعین لاریون کې حاضر شول.

صادقي د دغه کاروان د فعالیتونو په اړه چې د ایران د اسلامي جمهوریت د قرآني کاروان تر چتر لاندې د اربعین په ترڅ کې ترسره شول، زیاته کړه: له دغو فعالیتونو څخه د قرآني محفلونو جوړول، د معرفت کړئ، د واقعو بیانول، د موکبونو او د امام حسين علیه السلام د  حرم د زیارت کوونکو خدمت کول، د سفر لیکل، د «د مننې او قدرونې رایحه»(رایحه قدرداني) په نوم د کمپاین ترسره کول، د کاروان له پروګرامونو څخه د فیلم او انځور په ګډون د مینځ پانګې تولید او نور یادولی شو.

https://iqna.ir/fa/news/4299124/