په سکاټلنډ کې د جومات د سوځولو پلان جوړونکي ځوان ته ۱۰ کاله بند سزا ورکړل شوه

ایکنا - په سکاټلنډ کې یوي محکمي یوه هغه زلمی ته  چې د جومات د سوځولو پلان ئې درلود، د ۱۰ کلونو بند سزا واورول شوه.

ایکنانیوز د دنیانیوز له قوله راپور راکړ،د نړیوالو رسنیو د راپور له مخې، پولیسو په  جنورئ  میاشت کې یو ۱۷ کلن ځوان د سکاټلنډ په لویدیځ ساحل کې د ګرینوک  د جومات  ودانۍ  ته د ننوتلود  هڅې پر مهال ونیوه.

د رسنیو په راپور کې ویل شوي چې پراسیکیوټرانو تېره ورځ وویل، د ځوان له کڅوړې څخه د جرمني جوړه شوې یو ګلوک پستول، مهمات، بال بیرنګونه، د ګیسو کارتوس او ایروسل کین ترلاسه شوي دي. د ځوان په موبایل کې د ودانۍ د داخلي برخې نقشه هم موندل شوې وه.

څېړونکو یوه لیسټ هم ترلاسه کړ ی چې ښئي هغه د هټلر، موسولیني او په ناروې کې د ګڼو کسانو د وژلو مرتکب اندرس بیهرنګ بریوک له سیاسي عقایدو څخه متاثر و. د مجرم د کور د تلاشۍ پر مهال د هټلر کتاب «ماین کمپف»، خنجر، ماسک او د چاودیدونکو موادو د جوړولو فورموله هم ترلاسه شوي  .

د سکاټلنډ د کراؤن دفتر ویلي، په ګلاسګو کې عالي محکمې  دغه  ځوان ته د ترهګرۍ د دوو تورونو له منلو وروسته سزا واوروله. د قانوني دلایلو له امله د دغه  ځوان نوم او عمر نه دی ښودل شوی. هغه به لومړی د کم عمره کسانو لپاره په جوړ شوي زندان کې خپله سزا پیل کړي او وروسته به د بالغو کسانو زندان ته ولېږدول شي.

چارتو ویلي چې د خوشې کېدو وروسته به د اتو کلونو لپاره د هغه څارنه هم کیږي.

https://dunya.com.pk/index.php/dunya-headline/HeadLineRoznama/902233_1