د غزې د جلاد د ملګرو ملتونو په غونډې کې د وینا حاشیه؛ له خالي هاله رانیولې د فلسطین د بیرغ تر پورته کولو پورې

ایکنا - د صهیونیستي رژیم د لومړي وزیر بنیامین نتانیاهو د ملګرو ملتونو په عمومي غونډې کې د وینا له پیل مخکې، د ډېرو هېوادونو مشران او استازي د اعتراض په توګه  له  هاله ووتل.

د ایکنا د راپور له مخې، چې د آناتولي خبري اژانس له قوله لیکل شوی،  د جمعې په ماښام ، د ملګرو ملتونو د عمومي اسمبلۍ په اتیایمې ناسته کې بنیامین نتانیاهو وینا وکړه؛ دا غونډه له خالي څوکیو سره مخ شوه او د غونډې ډېری غړي هېوادونه او ګډونوال د صهیونیستي رژیم د غزې په جګړه کې د جنګي جنایتونو پر وړاندې د اعتراض په توګه له تالاره ووتل.

ځینو  مظاهره چیانو  د ودانۍ په دروازه کې د ننوتونکو پلاؤ په وړاندې غبرګون وښود او پوښتنه ئې وکړه: «ولې غواړئ د نتانیاهو خبرې واورئ؟»

کله چې نتانیاهو وینا کوله، ایراني پلاوی له هاله ووت او د ایران پر وړاندې د صهیونیسټي رژیم په بریدونو کې د وژل شویو  عامو خلکو انځورونه ئې پر مېز کېښودل.

نتانیاهو په خپلو بې‌ارزښته خبرو کې د غزې، لبنان، یمن او سورئې پر وړاندې د دغه رژیم بریدونو ته اشاره وکړه او ادعا یې وکړه چې ایران د ټولې نړۍ لپاره ګواښ دی او پر ایران باندې د دوي بریدونه روا دي.

د صهیونیسټي رژیم لومړي وزیر، چې د هیګ د اپیل محکمې له خوا د جنګي جنایتکار په توګه پېژندل شوی، په ملګرو ملتونو کې د خپلو ادعاوو په دوام وویل: «که حماس زمونږ غوښتنو ته غاړه کېږدي، جګړه همدا اوس پای ته رسېږي. غزه به غیرپوځي او بې‌وسله شي، اسرائیل به بشپړ امنیتي کنټرول ترلاسه کړي او په غزې کې به د خپلو اوسیدونکو له خوا یوه غیرپوځي اداره جوړه شي چې له اسرائیلو سره به په سولې کې وخت تیروي. په غزې کې زمونږ کار لا پای ته نه دی رسیدلی.»

د نتانیاهو د وینا پر مهال په نیویارک کې د فلسطین د بیرغ پورته کول

د الجزیرې د راپور له مخې، د صهیونیسټي رژیم د لومړي وزیر د وینا پر مهال، په نیویارک کې د فلسطین پلوي اعتراض کونکو  د اسرائیلي پلاوي پر وړاندې شعارونه ورکړل او د فلسطین بیرغ ئې پورته کړ.

مظاهره چیانو له فلسطینیانو سره د پيوستون په څرګندولو سره له امریکا غوښتنه وکړه چې اسرائیل ته مالي او وسلوتلې  مرستې بندې کړي.

د فلسطین د اسلامي مقاومت غورځنګ (حماس) د یوې اعلامیې په خپرولو سره د ملګرو ملتونو په عمومي غونډه کې د صهیونیستي رژیم د لومړي وزیر بې‌ځایه خبرو ته سخت غبرګون وښود.

د نتانیاهو هغه خبرې، چې په غزې باندې د تسلط او هلته د یوې لاس پوڅي  ادارې د جوړولو هڅې ئې یادې کړې، یوازې یوه ځلوب دی او هیڅکله به واقعیت ونه مومي. فلسطیني ملت بپه کرتو  خپل  استقامت او د هر ډول  نیواک  او اړوندوالي د ردولو په اړه خپل تعهد ثابت کړی دی.

په قدس پلازمینې سره  د فلسطین د خپلواکه حکومت تاسیس یو اصیل او نه انکاریدونکی حق دی او د نیواکګرو جنایتونه او د هغوی فاشیستي سیاستونه هیڅکله دا حق له منځه نشي وړلی.

https://iqna.ir/fa/news/4307170