په مالدیو کې د قرآن کریم د حافظانو شمیر په اوڅاره توګه زیات شوی

ایکنا - د مالدیو د اسلامي چارو وزارت په وېنا، له دغه هېواده سلګونه مسلمانانو د قرآن د حفظ په پروګرام کې ګډون کړی او په مالدیو کې د قرآن کریم  د حافظانو زیاتوالی ډېرد پام وړ دی.

 ایکنا د  summary څخه اخیستل شوي راپور کې وائی؛د مالدیو د اسلامي چارو وزارت په وینا، دا هېواد اوس له ۲۸۰ څخه زیات  دقرآن حافظان لري او په اوسمهال  کې له ۱۵۰۰ نورو کسانو څخه زیاتو د قرآن  د حفظ په پروګرام  کې ګډون کړی دی.

دغه وزارت له ځایی رسنیو سره په یوه پیغام کې اعلان کړی چې په دې ټاپو وزمه هېواد کې ۲۸۴ کسانو د قرآن حفظ پای ته رسولی دی. The Edition ورځپاڼې د سه شنبې په ورځ راپور ورکړی چې ډېری یې  د قرآن په دولتي   مرکز کې او نورو مذهبي ادارو کې روزنه ترلاسه کړې ده.

د مالدیو د اسلامي چارو وزیر، محمد شهیم علي سعید، یادونه وکړه چې تمه کېږي چې ۵۰ نور قرآني حافظان په راتلونکي رمضان کې فارغ التحصیل شي.

هغه هم تایید کړه چې د مالدیو ولسمشر، محمد مویزو، به په رمضان المبارک کې د د اوویشتم په شپه ، د قرآن حافظانو ته جایزې او مېډالونه ورکړي.

دوهمه، حکومت د حافظانو لپاره د میاشتني مرستې، د مالدیو   ۲۰۰۰  روپۍ (کابو  ۱۳۰ امریکائي ډالر ) څخه ۴۰۰۰ روپیو ته زیاتې کړي  چې ورکول ئې پیل شوې دي.   پر دې سربیره، حکومت ژمن دی، هغو ماشومانو ته چې قرآن ئې حفظ کړی، د مفرده عمرې د سفر ډالۍ ورکړي.

 په مالدیو کې د قرآن حفظ  د دیني تعلیم  اساسی  برخه ګڼل کېږي؛ تېر کال د مالدیو ولسمشر اعلان وکړ چې دولت به د  قرآن کریم  د ملی مرکز د بیا جوړولو لپاره ځمکه ځانګړې کړي. هغه زیاته کړه چې د دولت موخه د دوو نورو وقفي مرکزونو پراختیا ده چې نومونه ئې «دارالسلام» او «دارالارقام» دي چې د قرآني معارفو په پراختیا کې به مرسته وکړي.

د مالدیو جمهوریت  ټاپو وزمه هېواد دی چې نیم ملیون نفوس لري په هند  سمندرګی کې واقع دی  او پلازمینه  ئې ماله دی. د دغه  هېواد خلک مالدیوي قوم دی چې د هغوی توکم  هندو آریائي دی او د سری لنکا او هند خلکو ته ورته دی. د دې هېواد رسمي مذهب اسلام دی او  په عامو ځایونو کې د نورو مذهبونو پیروي   منع ده او قانوني تعقیب لري.

https://iqna.ir/fa/news/4308883