د ایران سمندري ځواک هر ډول یرغل او تیري ته د پریکنده ځواب لپاره ته چمتو دی
ایکنانیوز د پوځ د اطلاع رسونې د ادارې له قوله راپور راکړ،د ایران د اسلامی جمهوریت د پوځ لوي درستیز سردار عبدالرحیم موسوی پرون په یو پیغام کې چې د ایران د سمندري ځواک د ملی ورځې په مناسبت یې ورکړی،وویل:د ایران سمندري ځواک په ځاي امکاناتو او د جهادي روحیې په مرستې سره د هر ډول احتمالي ګواښ لپاره بشپړ چمتووالی لري.
سرلشکر موسوی په خپل پیغام کې زیاتوي:د ایران سمندري ځواک په تېرو کړکیچونو او ګواښونو کې، په ځانګړي توګه د امریکا او اسرایلو له ۱۲ ورځنیو یرغلونو وروسته، د خپلې وړتیا، قدرت او بشپړ چمتووالي ثبوت ورکړی چې د هر ډول احتمالي تیریو او برید لپاره پریکنده ، مؤثر او پښیمانه کوونکی ځواب ورکړي. دا ټول د ځاي امکاناتو،نوښتونو او د غیور جهادي ځواکونو د روحیې په مرستې سره دی.
سرلشکر موسوی د ایران د سمندري ځواک او د سپاه پاسدارانو د ملګرتیا په اړه وویل: «د فارس خلیج ، عمان سمندر او د ایران د سرحدي اوبو امنیت ساتل د پوځ د سمندري ځواک او د سپاه پاسدارانو د سمندري ځواکونو ترمینځ د همغږۍ، همکاري او ګډو هڅو پایله ده.په الهی فضل سره، اوس دا سټراتیژیکه ملګرتیا د هرډول ماډرن ټيکنالوجیکي حملو د مخنیوي او له سیمې د ورآخوا ګواښونو د ځواب ورکولو لپاره یوه غوره بېلګه ګرځېدلې ده.
سردار موسوی د سمندري ځواک د پرمختګونو په اړه هم وویل: «نن سبا د ایران سمندري ځواک نه یوازې په پوځي برخې کې، بلکې په علمي، تعلیمي، ټیکنالوژيکي او د سمندري ډیپلوماټیکو برخو کې هم فعاله او اغیزمنه ونډه لري او د متخصصینو او ژمنو ځواکونو په روزنې سره د هیواد د سمندري ځواک لپاره یو روښانه راتلونکی جوړوي.
https://iqna.ir/fa/news/4319444
