په علوي مقدس حرم کې د قرآن کریم د انس محفل ترسره شو(انځورونه)

ایکنا - د قرآن کریم د انس محفل په نجف اشرف کې د علوي سپېڅلي آستان د تولیت په هڅو، د «عفاف» جشنواره ي فعالیتونو په لړ کې،په علوي سپېڅلي صحن کې ترسره شو.

 ایکنانیوزد علوي آستان د وېب‌سایټ په حواله راپور راکوي، دا سپېڅلی حرم د «عفاف» د اتلس  کلني جشنوارې په چوکاټ کې، چې د حضرت فاطمة الزهرا (س) د نېکمرغه میلاد په مناسبت ترسره کېږي، د دې قرآني محفل کوربه و. د دې محفل پروګرامونه د علوي آستان د فکري او کلتوري چارو له څانګې پورې تړلي دارالقرآن له لوري تنظیم او پلي شول.

د علوي آستان د دارالقرآن د څانګې مسئول، علاء محسن، وویل: دا مراسم د وتلو قاریانو لکه جلال البهادلي او علاء الکربلایي په ګډون، او همدارنګه د اهل‌بیتو (ع) د مداحانو له ډلې تقی شکري په شتون  کې ترسره شول. په دې پروګرام کې بېلابېل فعالیتونه شامل وو، لکه د علوي آستان د تولیت له‌خوا پر زیارتوالو د ډالیو او جایزو وېشل.

د یادونې وړ ده چې د «عفاف» کلنۍ جشنواره هر کال د یوې اوونۍ لپاره په نجف اشرف کې ترسره کېږي.

دا جشنواره د  بېلابېلو ولسی ډلو ټپلو  په ګډون سره  جوړېږي او د ښځو لپاره ځانګړي فعالیتونه، کلتوري او ټولنیز پروګرامونه، او د ماشومانو لپاره ځانګړي پروګرامونه د دې سترې غونډې مهمې برخې دي.

https://iqna.ir/fa/news/4322125