دښمنان د قرآن په بې احترامۍ د مسلمانانو د غبرګون په سنجولو پسې دي

ایکنا – د یمن د انصار الله غورځنګ رهبر  سیدعبدالملک بدرالدین الحوثي دې ته په اشارې سره چې  د قرآن د مستکبرانو او  طاغوت لپاره  لويه خطره  ده ،ووئيل؛ قرآن قرآن کریم د دښمنانو د پلانونو ماهیّت  رابرسیره کوي او په همدې دلیل ده چې  دوی له قرآنه ویریږي او  له قرآنه د اسلامی امت په جلاکولو او  د مقدساتو او د وحی د  کلام  په سپکاویو باندې د مسلمانانو  د غبرګون په سنچولو پسې دي .  

د یمن د انصارالله غورځنګ  رهبر  سید عبدالملک بدرالدین الحوثي د جمعې په ورځ په خپلې وینا کې وویل: د  اوسنئ زمانې طاغوت چې د یهودیت، نړیوال صهیونیزم، امریکا، اسرائیلو، بریتانیا او د هغوی د تالی څټو  او پلویانو په بڼه راڅرګند شوی، د بشري تاریخ تر ټولو خطرناک او ظالم طاغوت دی.

صهیونیستي رژیم د امریکا او لوېدیځ په ملاتړ په سیمه کې خپلو جنایتونو ته دوام ورکوي

سید عبدالملک بدرالدین الحوثي زیاته کړه: صهیونیسټي دښمن د امریکا پشمول او د لوېدیځ په دوامدارو ملاتړونو سره ، په فلسطین او لبنان کې خپلو جنایتونو ته دوام ورکوي او پر سورئې هم بریدونه کوي.

هغه وویل: د دې وژنو او یرغلونو پر وړاندې، دښمنان غواړي چې هېڅ غبرګون و نه ښودل شي او دا وضعیت عادي او د منلو وړ وګرځي.

د یمن د انصارالله غورځنګ رهبر د قدس د حالاتو په اړه وویل: وحشي صهیونیسټي رژیم هره ورځ د مسجدالاقصی سپکاوی کوي، چې دا د مسلمانانو له سترو مقدساتو څخه دی.

امریکا ماتې وخوړه

سید عبدالملک بدرالدین الحوثي وویل: پر یمن د امریکا بریدونه د دې لپاره وو چې زمونږ د ملت او پوځ ملاتړ له غزې څخه ودروي، خو سره له دې امریکا ناکامه شوه. امریکا د هر ډول وسلو په کارولو سره د فلسطیني ملت د ملاتړ په برخه کې  زمونږ د پوځ نظامي عملیات ودرول شول . زمونږ پوځي عملیات تر هغه وخته روان وو چې د اوربند تړون اعلان شو، او امریکا به په راتلونکي کې هم   دا ونه درول شي.

امریکا د ونزویلا د تیلی شتمنیو د نیولو په لټه کې ده

سید عبدالملک بدرالدین الحوثي د ونزویلا د حالاتو په اړه هم وویل: امریکا غواړي د ونزویلا د نړۍ تر ټولو سترو  تېلي زېرمو واک ترلاسه کړي او د نشه‌ایزو توکو پر ضد د مبارزې موضوع د پلمې په توګه کاروي  څو پر دې هېواد کنټرول ټینګ کړي.

مونږ د شیطاني، ظالمو او جنایتکارو ځواکونو پر وړاندې ولاړ یو. امریکا، اسرائیل او نړیوال صهیونیزم حریص او مستکبر دي او هېڅ تړون او ژمنې ته پابنده نه پاتې کېږي.

https://iqna.ir/fa/news/4325150/