د افریقا د ملتونو د فټپال جام د سیالیو په شپه د قرآن رڼا؛ د مصري فوټبالر د آرامښت راز
یکنا نیوز د صدی البلد په حواله زاپور راکوی، دغه آرامبخښونکې شېبې چې په ټولنیزو چینلونو کې یې پراخ انع کاس موندلی، نه یوازې د لوبغاړي روحیه پیاوړې کوي، بلکې د رسنیو د فعالانو له خوا هم ستایل شوې دي؛ داسې اغېز چې ښايي د مصر د ملي ټیم د وروستیو بریاوو یو لامل وشمېرل شي.
د مصر رسنیز فعال، عمرو الدردیر، د فېسبوک په خپل شخصي اکاونټ کې د مصر د ملي ټیم د ستوري محمد هاني ستاینه وکړه.
الدردیر د محمد هاني د قرآن د تلاوت انځور خپور کړ چې د بنین د ملي ټیم پر وړاندې د لوبې لپاره یې چمتووالی نیو، او ویې لیکل: «هاني! د خدای په هیله به د لوبې ستوری شې.»
د مصر ملي فوټبال ټیم د افریقا د ملتونو جام د یو پراته پړاو (۱/۸ پایلوبه) کې د بنین ټیم ته د ۳-۱ په پایله کې ماتې ورکړه او بل پړاو ته یې لار وموندله.
د مصر د ملي فوټبال ټیم سرمربی د خپلو خبرو په پای کې وویل: «له سبا څخه به د یوپرڅلورم پایلوبې لپاره چمتووالی پیل کړو او د هر ټیم پر وړاندې لوبې ته چمتو یو. زه ۲۷ ستر لوبغاړي لرم او د طبي، اداري کادر او د ټیم د ټولو کارکوونکو مننه کوم.»
تر دې وړاندې هم د مصر د ملي ټیم د لوبغاړو یوه ویډیو خپره شوې وه چې هغوی پکې د مراکش په افریقائي ملتونو جام کې د زیمبابوې د ملي ټیم پر وړاندې له لوبې مخکې په ګډه قرآن تلاوت کوي.
د ټورنمنټ په پیل کې د مصر د ملي ټیم د لوبغاړو لهخوا د قرآن ګډ تلاوت پراخ غبرګونونه راوپارول.
د مصر لوبغاړو د زیمبابوې پر وړاندې له لوبې مخکې د چمتووالی په وخت کې یو ځل سوره حمد او درې ځله سوره اخلاص ولوستله.
دا د قرآن د تلاوت دود اوس د دې ټورنمنټ په ترڅ کې د مصر د شتون له مهمو ځانګړنو څخه ګڼل کېږي.
مصر د افریقا د ملتونو جام په خپلې لومړۍ لوبې کې د زیمبابوې پر وړاندې ولوبېد او وتوانېد چې دا سیال د ۲-۱ په پایله کې مات کړي.
د مصر ملي فوټبال ټیم د راتلونکي نړیوال جام په ګروپي پړاو کې د ایران سیال دی.
https://iqna.ir/fa/news/4327323
