امریکا سوکه سوکه د اجتماعي دړې وړې کیدا په درشل کې ده

ایکنا - یوه اروپائي شنونکي او تکړه لیکوال سټانیسلاو باچف اعتراف کړی چې متحده ایالات سوکه سوکه د ټولنیزې  دړې وړې کیدا له ستونزې سره مخ دی.

ایکنا نیوز د  پارس ټوډې  له قوله  راپور راکړی، بلغاریه یو  شناندی  او لیکوال سټانیسلاو باچف باور لري: نن سبا متحده ایالات په بېلابېلو کچو کې د ټولنیزې ړنګېدا  له  جدي بحران سره مخ دي، چې پکې د ژوند د ستر هدف نشتوالی هم شامل دی، ځکه چې نور د «امریکائي خوب» تصور وجود نه لري.

باچف ټینګار وکړ: د امریکا په ټولنې کې د متحده ایالاتو د ولسمشر، د ډونالډ ټرمپ، په ملاتړ یا کرکې کې ژور داخلي درځ رامینځته شوی دی. د هغه په وینا، په سیاسي کچه ټرمپ د راتلونکو مینځ‌مهالو ټاکنو له امله بېړه لري، ځکه ډېر احتمال شته چې دا ټاکنې د هغه په ماتې تمامې شي؛ له همدې امله ټرمپ هڅه کوي په نړۍ کې ګډوډي رامنځته کړي او د قدرت  نمایش وکړي.

اسرائیل د کورنۍ جګړې په درشل کې دی

دغه بلغارستانی شنونکی د صهیونیسټي رژیم د وضعیت په اړه وویل: د اسرائیل لومړی وزیر بنیامین نتانیاهو، د خپلې سیاسي بقاء لپاره مبارزه کوي. هغه زیاته کړه چې د اسرائیلو په داخل کې ستره شخړه روانه ده چې ښئي دغه رژیم د یوې داخلي جګړې پر څنډه ولاړ دی.

باچف همدارنګه ټینګار وکړ چې د ایران پارَونه، د صهیونیستي رژیم د ټول موجودیت لپاره یو واقعي او جدي ګواښ دی.

https://parstoday.ir/fa/world-i34230