د مصر د «پورټ سعید» نهم پړاؤ نړیوالې قرآني سیالۍ پیل شوې

ایکنا- د مصر د قرآن کریم د حفظ او دیني  مداحئ نهم  پړاؤ  نړیوالې سیالۍ د تیرې جمعې په ورځې یعني د  سلواغې  دمیاشتې په ۱۰ ، د نړۍ د ۳۰ هېوادونو د استازو په ګډون پیل شوي دي.

ایکنا  نیوز د «القاهره ۲۴» له قوله راپور  راکوي، دا سیالۍ  د جمعې په ورځ  د قرآن کریم د ۴۲ حافظانو او  مداحانو  ګډونوالو په ګډون، چې د نړۍ له ۳۰ بېلابېلو هېوادونو څخه ورغلي دي، رسماً پیل شوې. دا پړاو د مرحوم مصري قاري شیخ محمود علي البنّا د تلپاتې خدمتونو د درناوي په موخه، د هغه په نوم نومول شوی دی.

د سیالیو د لومړۍ ورځې په پروګرامونو کې د پورټ سعید ولایت په «السلام» جومات کې د جمعې لمونځ ادا کول، او همدارنګه د دې ولایت په یو شمېر مېدانونو او سړکونو کې د قرآن بېلابېل تلاوتونه، دیني مداحي  او مذهبي سرودونه شامل وو.

د پرانیستې رسمي مراسم د ماښام په ۶ بجو د ځايي وخت له مخې، د مصر د اوقافو وزیر، د پورټ سعید والي محب حبشي، د الازهر مسؤلینو او یو شمېر لوړپوړو چارواکو په ګډون ترسره شول، او دا مراسم د مصر د ملي تلویزیون له لوري په ژوندۍ بڼه خپاره شول.

دا قرآني بهیر د مصر د صدراعظم مصطفی مدبولي او د پورټ سعید د مرستیال والي عمرو عثمان په ملاتړ ترسره کېږي، او د رسنیو فعال عادل المصیلحي د سیالیو اجرایي مسؤلیت پر غاړه لري.

د پورټ سعید د قرآن کریم سیالۍ به تر  د فرورۍ تر دوهمې نیټې پورې یعني  (د سلواغې ۱۳ ) پورې دوام ولري، او ګډونوال به د حفظ، تلاوت او مداحئ په برخو کې له یو بل سره سیالي وکړي.

دا  نړیوال قرآني پروګرام د پورټ سعید د والایت په بشپړ ملاتړ ترسره کېږي، او د سیالیو مسؤلین هڅه کوي دا سیالۍ په داسې بڼه ترسره کړي چې د قرآن کریم د خادمانو د ملاتړ په برخه کې د مصر نړیوال قرآني مقام ته په بشپړه توګه مناسب وي.

https://iqna.ir/fa/news/4331302