د نړۍ په هېوادونو کې د روژې تر ټولو اوږده او تر ټولو لنډ ساعتونه

ایکنا - د نړۍ په بېلابېلو هېوادونو کې مېشت مسلمانان د خپل هستوګن هېواد د جغرافیائي موقعیت او عرض البلد له مخې د مختلفو ګنټو پورې  روژه نیسي.

 ایکنانیوز د الجزیرې په حواله راپور راکړی، د ۲۰۲۶ کال د رمضان المبارک (۱۴۴۷ هـ ق) له رارسېدو سره، چې په شمالي نیمه کره کې د ژمي په پای او د پسرلي په پیل کې واقع کېږي، د روژې ساعته به د هغو کلونو په پرتله چې رمضان د اوړي له تودو ورځو سره هممهاله و، د پام وړ لنډې وي.

د روژې ساعتونه له یوه هېواده بل ته او آن د یوه هېواد له یوه ښاره بل ښار ته هم توپیر لري، چې دا د جغرافیایي موقعیت او عرض البلد پورې اړه لري. د ورځې اوږدوالی د شمال پر لور په تګ سره زیاتېږي او د استوا کرښې یا جنوبي نیمه کرې پر لور په تګ سره کمېږي.

د روژې تر ټولو اوږده او تر ټولو لنډ  ساعتونه

په نړیواله کچه د روژې تر ټولو اوږده ساعتونه د ځمکې په لیرې شمال، په ځانګړي ډول هغو هېوادونو او سیمو کې ثبت شوې دي چې د شمالي قطب مدار ته نږدې دي.

په دغو سیمو کې ؛

ګرینلنډ (نوک)

ایسلنډ

د ناروې شمالي سیمې شاملې دي

په دغو سیمو کې د روژې ساعت  ښائي له ۱۶ ساعتونو هم واوړي، چې دا کار په اسلامي فقې کې د اوږدو ورځو لرونکو سیمو لپاره د روژې د وخت د ټاکلو په اړه نوې پوښتنې راولاړوي.

ددې  په اپوټه، د روژې تر ټولو لنډ  ساعتونه  په جنوبي نیمې کرې کې ثبت شوې دي، چیرې چې د کال په دې وخت کې د ورځې رڼا لنډه وي. په  دغ، هېوادونو کې ؛

چیلي

ارجنټاین

نیوزیلنډ

سویلي افریقا شامل دي .

په دغو هېوادونو کې د روژې موده کابو له ۱۱ تر ۱۲ ساعتونو پورې ده.

په عربي هېوادونو کې د روژې ساعتونه  هم په دې ډول دي؛

په عربي نړۍ کې د  روژې تر ټولو لنډ ساعتونه په لاندې ښارونو پورې اړه لري:

موروني (کومور): شاوخوا ۱۲ ساعته او ۴۵ دقیقې

موګادیشو (سومالیا): شاوخوا ۱۲ ساعته او ۵۵ دقیقې

جیبوټي  ؛کابو ۱۳ ساعته او ۵ دقیقې

په عربي نړۍ کې د روژې تر ټولو اوږده ساعتونه

د شمالي افریقا د هېوادونو پلازمېنې په عربي نړۍ کې د روژې تر ټولو اوږده ساعتونه ثبتوي

الجزایر: کابو ۱۳ ساعته او ۵۰ دقیقې

تیونس: شاوخوا ۱۳ ساعته او ۵۲ دقیقې

رباط:  کابو ۱۳ ساعته او ۵۵ دقیقې

له عربي نړۍ بهر اسلامي پلازمېنې

د روژې تر ټولو اوږده ساعتونه:

آستانه (قزاقستان): شاوخوا ۱۵ ساعته او ۳۰ دقیقې

سارایوو (بوسنیا او هرزګوینیا): شاوخوا ۱۴ ساعته او ۵۰ دقیقې

انقره (ترکیه):  کابو  ۱۴ ساعته او ۴۰ دقیقې

د روژې متوسط ساعتونه؛

اسلام‌آباد (پاکستان):  کابو  ۱۴ ساعته او ۵ دقیقې

تهران (ایران): کابو  ۱۴ ساعته او ۲۰ دقیقې

ډاکه (بنګله‌دېش): کابو ۱۳ ساعته او ۴۵ دقیقې

په اسلامي هېوادونو کې د روژې تر ټولو لنډ ساعتونه

هغه ښارونه چې د استوا کرښې ته نږدې دي، عموماً د کال په اوږدو کې د روژې نسبتاً ثابت  ساعت  لري:

جاکارتا (انډونیشیا): کابو ۱۳ ساعته او ۵ دقیق

کوالالامپور (ملایشیا):کابو ۱۳ ساعته او ۱۰ دقیقې

کامپالا (یوګانډا): شاوخوا ۱۳ ساعته

نایروبي (کینیا): شاوخوا ۱۳ ساعته

https://iqna.ir/fa/news/4335192