په افغانستان کې ټولو ښاریزو ته له کوم توپیر پرته امنیتي خدمات ورکول کیږي

ایکنا- د افغانستان د طالبانو حکومتی چارواکي وائي؛ د وګړو لپاره د امنیت په تامینولو کښې د هیڅ توپير ته قایل نه دي او ټول خلک به له کوم توپيره  له یو شان   امنیته برخمن دي.

یکنانیوز د پارس ټوډی   په حواله خبر  راکړی چې د  افغانستان د طالبانو د کورنیو چارو د وزارت ویاند «عبدالمتین قانع» د افغانستان ټولو خلکو ته د پراخو او بې تبعیضه امنیتي خدماتو د ورکولو خبر ورکړ او ټینګار ئې کړی چې پولیسي ځواکونه په ټول افغانستان کښې د امنیت د تامینولو لپاره شپه او ورځ هلې ځلې کوي.

قانع د افغانستان د شیعیانو د عالي کمیشن له مشر«محمدعلی اخلاقي»  او د دغه کمیشن له غړو سره په کتنې کښې د امنیت په تامینولو کښې د طالبانو د کورنیو چارو د وزارت تګلارې ته په اشارې سره څرګنده کړه: د دې وزارتخانې مسئولان او د پولیسو ځواکونه په پوره توان سره د ټولو قومونو او مذهبونو لپاره د پایداره امنیت د ټینګښت په لړ کښې فعالیت کوي.

په دغه کتنه کښې د افغانستان د شیعیانو د عالي کمیشن غړو هم له نظام او امنیتي مسئولانو د ملاتړ په اعلانولو سره ټینګار وکړ چې په مختلفو برخو په تیره بیا د امنیت په تامین کښې به له پولیسو سره خپلې همکارۍ ته دوام ورکړي.

حاضرینو د دغې غونډې په باې کښې د افغانستان د اقوامو ترمینځ د ملي یووالي او پيوستون په پیاوړتیا ټینګار وکړ او د افغانستان د خدمت په لړ کښې یې د همکاریو په دوام د نظر اتفاق درلود.

https://parstoday.ir/ps/news/afghanistan-i172612