قدرمن ملت او د اسلام مبارزان د خپل حکومت ترشا لکه د غر ولاړ دي

ایکنا – د اسلامي انقلاب  سپاه پاسدارانو  د جنګ  پای ته د رسېدو د تفاهم‌لیک او مذاکراتو د بهیر په اړه د اسلامي انقلاب د ستر لارښود  د پیغام په تعقیب سره وویل: د ایران ملت او د اسلام مبارزان  د خپل حکومت د چارواکو تر شا د غر په څېر کلک ولاړ دي.

ایکنانیوز د سپاه نیوز له قوله راپور راکړ، د اسلامی انقلاب  سپاه پاسدارانو  د جمعې په ورځ د اسلامي انقلاب د معظم لارښود  د پیغام په ځواب کې یوه اعلامیه خپره کړه چې متن ئې په دې ډول دی ؛

بسم اللّه الرّحمن الرّحیم

د  ټولو قواؤ ستر قوماندان او د اسلامی انقلاب معظم لارښود حضرت آیت الله سید مجتبی خامنه‌اي (دام الله ظله)، په خدمت کې ؛

السلام علیکم ورحمة الله وبرکاته

اللهم صل علی محمد وآل محمد وعجل فرجهم

مونږ د خداي  تعالی شکر ادا کوو چې یو ځل بیا ئې زمونږ ملت د ولایت له سپېڅلې او رڼې سرچینې څخه خړوبه کړ او زمونږ سترګې یې ستاسو د قدردان  پیغام او روښانه لارښوونو په لیدو روښانه کړې. دا حکیمانه پیغام د خلکو د یووالي لیکې لا پیاوړې کړې، په ډګر کې ولاړ ولس او د جنګ  د جبهو مبارزان ئې د خپلو بریالیو لاسته راوړنو د ساتنې لپاره لا هیله‌من کړل او زمونږ د سیاستوالو لپاره ئې د ملت د حقوقو د ترلاسه کولو په لاره کې یوه ستره پانګه برابره کړه.

اوس چې یرغلګر دښمن د ایران د ملت د تاریخي پاڅون او د اسلام د مبارزانو  د اتلولیو په وړاندې  ناکام  شوی دی، او له هغه دریځه چې غوښتل ئې ایران له نقشې حذف کړي او شاته تاریخ ته ئې وګرځوي، په ناچارۍ سره ئې د تفاهم او مذاکراتو تر  غوښتنې شاتګ کړی او د زمونږ د ملت د عظمت په وړاندې  په ګونډو شوی دی؛ نو د ملت او مبارزانو  تمه دا ده چې د سیاست ډګر هم د هماغه ویاړمن  میدان دوام وي او د ایران د سرلوړي ملت د حقونو په ترلاسه کولو تمام شي.

د ایران قدرمن  ملت او د اسلام مبارزان  د غر په څېر د خپلو حکومتي چارواکو ملاتړ کوي، او که ژمنه ماتوونکی دښمن یو ځل بیا د پخوا په څېر د زیاتو غوښتنو او د ایران د ملت د حقونو د ضایع کولو هڅه وکړي، نو د اسلامي انقلاب ساتونکي ځواکونه به په وچه، سمندر، هوا او د ترکیبي جنګ په ټولو ډګرونو کې، د پخوا په پرتله لا پیاوړي او د څو جګړو له تجروبو سره سم چمتو وي، څو د هغه زړَور او حکیم ستر قوماندان په کوچنۍ اشاره هم دښمن ته تر دې هم ستره تاریخي ماتې ورکړي.

نصر من الله و فتح قریب

سپاه پاسداران انقلاب اسلامي

https://iqna.ir/fa/news/4359123