د میناب مظلوم ماشومان او د ایران ټول شهیدان هره شېبه زما پر کړنو او چلندونو ناظر ګڼم

ایکنا-   د ایران  د  «میناب ۱۶۸»  په  نامې سره  د مرکچي پلاوي مشر محمدباقر قالیباف په یوه پیغام کې ټینګار وکړ چې د میناب مظلوم ماشومان او د ایران دقدرمن  هېواد ټول شهیدان هره شېبه د خپلو اعمالو او چلندونو ناظر ګڼي.

ایکنانیوز د ایرنا  له قوله راپور راکړ،د «میناب ۱۶۸»  په نامې سره  د ایران د مذاکره کوونکي پلاوي مشر له زوریخ ښار ته تر رسېدو وروسته په خپلې ایکس (X) ټولنیزې  پاڼې کې ولیکل:  «د میناب مظلوم ماشومان او د ایران د ګران  هېواد ټول شهیدان هره شېبه زما پر اعمالو او چلندونو ناظر ګڼم.

قالیباف زیاته کړه:«هغوی مونږ ویني او له موږ څخه تمه لري. خدای دې وکړي چې د مظلومو شهیدانو او د ایران د ملت پر وړاندې  خیځل نه شم او په سپین مخ خپلو یارانو سره یوځای شم؛ هغو یارانو سره  چې د لیدلو لپاره ئې شېبې شمېرم.»

 له ښاغلي قالیباف سره په دغه مرکچي ټیم کې د بهرنیو چارو وزیر سید عباس عراقچي،د ملي امنیت د عالي شورا د دارالانشاء د نړیوالو چارو مرستیال علي باقري کني، د مرکزي بانک رئیس عبدالناصر همتي، د تیلو د  وزارت مرستیال او د ایران د تیلو د ملي  شرکت مشر حمید بورد، د بهرنیو چارو وزارت د حقوقي او نړیوالو چارو مرستیال کاظم غریب‌آبادي، او  دمرکچي ټيم ویندوي اسماعیل بقايي ملګرتیا کوي.

 داپه داسې حال کې دي چې وئیل کیږي، د پاکستان لومړي وزیر شهباز شریف او د پاکستان د پوځ مشر قوماندان فیلډ مارشال سید عاصم منیر هم د ایران د اسلامي جمهوریت او امریکا ترمینځ په تخنیکي مذاکراتو کې د ګډون لپاره د سویس  بورګن‌اشتوک ښار ته  رسیدلی دي .

https://www.irna.ir/news/86188408