د اسلامضده احساساتو پر وړاندې د مبارزې لپاره د اسټرالیا د حکومت نوې اقدامات
ایکنانیوز د ایس بی ایس خبری چینل له قوله راپور راکړ، د آسټریلیا حکومت د تیرې شنبې په ورځې وئيلي دي چې د اسلام ضده احساساتو یا اسلام هراسۍ پر وړاندې د اسټرالیا د ځانګړي استازي آفتاب ملک د راپور له ۵۴ سپارښتنو څخه ئې ۳۵ منلې دي. دغه راپور د دې لپاره چمتو شوی ؤ چې په اسټرالیا کې د مسلمانانو پر وړاندې د توکمپالنې او سپکاوي د زیاتېدو مخه ونیول شي.
فیډرالي حکومت ټینګار کړی چې له اسلامه د ویرونې پروسه یا اسلام هراسۍ او د مسلمانانو پر وړاندې د توکمپالنې د ریښو د له منځه وړلو لپاره باید لا ډېر بنسټیز اقدامات وشي.
د اسټرالیا لومړي وزیر، انتوني البانیز، د کورنیو چارو له وزیر ټوني برک او د څو فرهنګیزو چارو له وزیرې آن علي سره په ګډې اعلامیې کې وویل چې د حکومت ځواب د ټولنو د امنیت ساتنې او د ټولنیز یووالي د پیاوړتیا لپاره پر عملي اقداماتو متمرکز دی.
هغه زیاته کړې ده:مونږ ټولو سپارښتنو ته ځواب ورکړی دی؛ ځینې مو په بشپړه توګه منلي او د عملي کولو بهیر مو پیل کړی، او ځینې نورې لا هم لا ډېرو څېړنو او جزئیاتو ته اړتیا لري.
دا اعلان د آفتاب ملک د راپور له وړاندې کېدو لس میاشتې وروسته وشو، خو حکومت په څرګنده توګه ونه ویل چې کومې سپارښتنې ئې منلې او کومې ئې رد کړې دي.
آفتاب ملک وویل:د اسټرالیا د مسلمانانو لپاره، چې لا هم په خپل ورځني ژوند کې له اسلامهراسۍ سره مخ دي، دا د انتظار ډېره اوږده موده وه.»
هغه زیاته کړه:دا اقدامات ځکه ډېر مهم دي چې ښئي حکومت منلې ده چې اسلامهراسي یوه واقعي او جدي ستونزه ده او په ملي کچه ځواب ته اړتیا لري، خو دا یوازې د لارې پیل دی.
ملک صیب همدارنګه وویل چې دی درک کوي حکومت باید د بېلابېلو لومړیتوبونو ترمنځ توازن وساتي، خو باید دا تمه ونه شي چې د اسټرالیا مسلمانان د دغو ملاحظاتو بیَه پرې کړي.
د البانیز حکومت خپل پروګرام په څلورو برخو کې تنظیم کړی دی:
د عامه پوهاوي او زدهکړې پراخول،
ساتنه او ملاتړ،
د ټولنیز یووالي پیاوړتیا،
حساب ورکونه او مسؤلیتپذیري.
https://iqna.ir/fa/news/4364913
