نائیجیریا میں عالمی یوم حجاب کی مناسبت سے مختلف پروگراموں کا انعقاد
بین الاقوامی گروپ : گزشتہ روز ۳۱ جنوری کو حجاب کے عالمی دن کی مناسبت سے دنیا بھر کے مسلمانوں کی طرح نائیجیریا کے مسلمان طلبا و طلبات نے بھی حجاب کے حوالے سے مسلمان خواتین کے بنیادی حقوق اور آزادی کے لیے آواز بلند کی ہے ۔
ایران کی قرآنی خبر رساں ایجنسی (ایکنا) نے اطلاع رساں ویب سائیٹ Daily Trust"" کے حوالے سے نقل کرتے ہوئے کہاہے کہ نائیجیریا کی مسلم طلبا یونین نے تمام شہریوں کو حجاب کے عالمی دن کے حوالے سے منعقد ہونے والی ریلیوں میں شرکت کی دعوت دی ہے ۔
نائیجیریا کے نائب صدر کی بیوی "امینہ سامبو" نے بھی اس موقع پر دارالحکومت آبوجا میں منعقد ہونے والی کانفرنس کے دوران اسلامی حجاب کے بارے میں خطاب کیا ہے ۔
اسی طرح اس دن کی مناسبت سے دنیا بھر کے تقریبا ۱۱٦ ممالک کی مسلمان خواتین نے حجاب جیسے اپنے بنیادی ترین حق کے لیے آواز بلند کی ہے ۔
