داعش کے جنگجووں نے صدام حسین کو پھانسی کی سزا ء سنانے والے جج کو قتل کردیا
ایکنا نیوز-ڈیلی اساس-رئوف عبدالرحمان نے صدام حسین کو 5ہزار سے زائد افراد کے قتل کا مرتکب قرار دیتے ہوئے انہیں پھانسی کی سزا ء سنائی تھی۔عراق میں حکومت کے خلاف برسرپیکار دولت اسلامی عراق وشام(داعش)نے سابق صدر صدام حسین کو پھانسی کی سزا سنانے والا جج قتل کردیا۔برطانوی میڈیا کے مطابق جسٹس ریٹائرڈ رئوف عبدالرحمان 16جون سے لاپتہ تھے تاہم اب عراق میں حکومت کے خلاف برسرپیکار مسلح تنظیم داعش نے ویب سائٹ پر دعوی کیا ہے کہ انہوں نے رئوف عبدالرحمان کو اغواء کے بعد قتل کردیا ہے، پیغام میں کہا گیا ہے کہ انہوں نے رئوف عبدالرحمان کو قتل کرکے صدام حسین کے قتل کا بدلہ لے لیا ہے تاہم عراقی حکومت نے واقعے کی باضابطہ تردید یا تصدیق نہیں کی۔واضح رہے کہ رئوف عبدالرحمان نے دسمبر 2006میں عراق کے سابق صدر صدام حسین کو زہریلی گیس کے ذریعے5ہزار سے زائد افراد کے قتل کا مرتکب قرار دیتے ہوئے انہیں پھانسی کی سزا سنائی تھی۔
