رسول اکرم (ص) ہسپتال میں تفسیر قرآن کریم کی کلاسوں کا انعقاد

قرآنی سرگرمیوں کا گروپ : ماہ رمضان کی مناسبت سے رسول اکرم (ص) ہسپتال میں تفسیر قرآن کریم کورس منعقد کیا گیا ہے ۔

ایران کی قرآنی خبر رساں ایجنسی (ایکنا) نے تہران میڈیکل یونیورسٹی کے شعبہ تعلقات عامہ کے حوالے سے نقل کرتے ہوئے کہا ہے کہ ماہ رمضان المبارک کے پر برکت موقع پر رسول اکرم (ص) ہسپتال میں تفسیر قرآن کریم کی خصوصی کلاسوں کا اہتمام کیا گیا ہے ۔
واضح رہے کہ یہ کورس حجت الاسلام والمسلمین "متوسلی" کی موجودگی میں تہران میڈیکل یونیورسٹی میں قائد انقلاب کی نمائندہ تنظیم سے وابستہ قرآن وعترت ثقافتی مرکز کی کوششوں سے منعقد کیا جارہا ہے ۔
ان نشستوں میں حجت الاسلام "متوسلی" نے پیغمبر اسلام (ص) کے عظیم معجزے کے عنوان سے قرآن کی اہمیت اور مقام سے متعلق مباحث کو بیان اور قرآنی آیات میں تدبر اور تفکر کی اہمیت پر زور دیا ہے ۔
1072331