سانحہ پشاور، دہشگردو٘ں کی تصاویر جاری۔

IQNA

سانحہ پشاور، دہشگردو٘ں کی تصاویر جاری۔

14:25 - December 17, 2014
خبر کا کوڈ: 2620574
بین الاقوامی گروپ: عینی شاہدین کے مطابق حملہ آوروں کی تعداد 6 تھی۔ وہ ایک کیری ڈبے میں سکول پہنچے اور ثبوت مٹانے کے لئے گاڑی کو پٹرول چھڑک کر آگ لگا دی۔ سکول میں گھسنے کے بعد دہشت گرد کلاس رومز میں داخل ہوئے اور بچوں پر اندھا دھند فائرنگ کر دی، جس سے بیشتر بچے موقع پر ہی شہید ہوگئے۔

ایکنانیوز- اسلام ٹائمز۔ پھولوں کے شہر پشاور میں دہشت گردوں نے پھول جیسے بچوں کو خون میں نہلا دیا۔

آرمی پبلک سکول پر سفاکانہ حملے میں 134 بچوں سمیت 145 افراد شہید ہوگئے۔ اندھا دھند فائرنگ اور دھماکوں میں 79 بچے زخمی بھی ہوئے۔ شہداء میں کئی اساتذہ بھی شامل ہیں۔

پاک فوج کے آپریشن میں تمام 7 دہشت گرد مارے گئے۔ طالبان نے بچوں کے قتل عام کی ذمہ داری قبول کرلی ہے۔ پشاور کا آرمی پبلک سکول معمول کے مطابق آٹھ بجے لگا۔ معصوم بچوں کی چہچہاہٹیں سکول میں سنائی دینے لگیں۔ ساڑھے دس بجے کا وقت تھا جب دہشت گرد عقبی حصے سے دیوار پھلانگ کر سکول میں داخل ہوئے۔

عینی شاہدین کے مطابق حملہ آوروں کی تعداد 6 تھی۔ وہ ایک کیری ڈبے میں سکول پہنچے اور ثبوت مٹانے کے لئے گاڑی کو پٹرول چھڑک کر آگ لگا دی۔ سکول میں گھسنے کے بعد دہشت گرد کلاس رومز میں داخل ہوئے اور بچوں پر اندھا دھند فائرنگ کر دی، جس سے بیشتر بچے موقع پر ہی شہید ہوگئے۔

426252

نظرات بینندگان
captcha