مجمع اهل بیت(ع): اجلاس سے خلیل حمدان کا خطاب:عالم اسلام میں بحران اسلام دشمن خفیہ اداروں کا پیدا کردہ ہے
ایکنا نیوز- لبنانی«أمل» تحریک کے نمائندے خلیل حمدان نے تہران میں مجمع جهانی اهلبیت(ع) کی افتتاحی تقریب سے خطاب میں کہا : اسلامی ممالک میں بحران اور مسائل کی وجہ صرف شدت پسندی نہیں بلکہ اسلام دشمن طاقتوں کی ایجنسیوں کی اسلامی ممالک میں مداخلت کی وجہ سے بھی مشکلات پیش آتی ہیں جو امت کے افکار کے اندر اثر و رسوخ حاصل کرنا چاہتی ہیں
خلیل حمدان جو لبنانی اسپیکر «نبیه بری» کے نمایندے کے طور پر اجلاس میں شریک ہے کا کہنا تھا کہ شدت پسندی اور تکفیری گروپوں سے صرف اسرائیل نہیں جو نفع حاصل کررہا ہے بلکہ کئے دیگر ممالک بھی اس صورتحال سے خوب فائدہ اٹھا رہے ہیں
«أمل» تحریک کے رکن کا کہنا تھا: امام موسی صدر نے چالیس سال پہلے اس بات کی پیشین گوئی کی تھی کہ شدت پسندی اس وقت خطرناک صورت اختیار کرے گی جب اس کی سرکاری سطح پر حمایت کی جائے گی اور آج ہم اس بات پر گواہ ہیں کہ عالمی بینکوں اور مغربی ممالک ان شدت پسندوں کی حمایت کررہے ہیں اور ایران جو مقاومت اور حق کی حمایت کررہا ہے اسکے خلاف پابندیاں لگائی جاتی ہیں۔
مجمع جهانی اهل بیت(ع) کی افتتاحی تقریب سے ایرانی صدر حسن روحانی نے بھی خطاب کیا۔
اس اجلاس میں 700 مہمان 130 ممالک سے شرکت کررہے ہیں ۔ اجلاس چار دن تک جاری رہے گا۔
