اسلام میں حج عظیم معنوی اور سیاسی عبادت ہے ۔ ہاشم موسوی

بین الاقوامی گروپ: امام خمینی نے حج میں مشرکین سے اظھار برات کا درس دیا / برما پر دل خون کے آنسو روتا ہے۔ خطبہ عید

ایکنا نیوز- مرکزی عید گاہ علمدار روڑ کے عظیم الشان اجتماع سے خطاب کرتے ہوئے امام جمعہ اور مجلس وحدت مسلمین کے مرکزی رہنما حجت الاسلام سید ہاشم موسوی نے کہا کہ برما کے مسلمانوں پر ڈھائے جانے والے مظالم پر مسلم حکمران فی الفور نوٹس لیں،ہرروز ہزاروں مسلمانوں کا جل مرجانا انتہائی افسوس ناک ہے ،جس پر جتنا افسوس کیا جائے کم ہے۔اور کہا کہ خطبہ حج میں جہاں اور بہت سے امور کو بیان کیا گیا وہاں کاش کہ برما کے مسلمان بھائیوں پر ڈھائے جانے والے مظالم کی مذمت کی جاتی ۔

انہوں نے حکمرانوں سے مطالبہ کیا جاتا کہ چین جو پاکستان اور برما کا مشترکہ دوست ہے ان کے زریعے سے برما میں مظالم روکنے کی سنجیدہ کوشش کرکے ان مظلوم مسلمانوں کی مددکی جائے۔

خطبہ عید سے خطاب میں انہوں نے حج میں مشرکین سے بیزاری اور نفرت کو امام خمینی کا عظیم کارنامہ قرار دیتے ہویے کہا کہ صرف خالی اور بے جان عبادت سے حج کا فایدہ نہیں اٹھایا جاسکتا لہذا ضروری ہے کہ  مشرکین جسکا اہم ترین مصداق امریکہ ہے ان سے نفرت کا اظھار کیا جایے .