اٹک میں حساس ادارے کی بس پر تکفیریوں کا خودکش حملہ، 2 افراد جاں بحق
ایکنا نیوز- ڈان نیوز کے مطابق پولیس ذرائع کے مطابق ابتدائی تحقیقات کے مطابق دھماکا خودکش تھا جس میں پاکستان اٹامک انرجی کمیشن کی بس کو نشانہ بنایا گیا۔
دھماکے میں بس ڈرائیور اور قریب سے گزرنے والا راہگیر جاں بحق ہوئے، جبکہ حملہ آور بھی دھماکے کی زد میں آکر ہلاک ہوا۔
دھماکے کے فوری بعد حساس اداروں اور پولیس نے علاقے کو گھیرے میں لے لیا۔
اٹک پولیس کا کہنا تھا کہ دھماکے میں اٹامک انرجی کمیشن کے 13 ملازم زخمی بھی ہوئے۔
ایم ایس خالد سلطان کا کہنا تھا کہ دھماکے کے دو شدید زخمیوں کو ڈسٹرکٹ ہیڈکوارٹرز ہسپتال (ڈی ایچ کیو) ہسپتال منتقل کر دیا گیا، باقی زخمیوں کا علاج سول ہسپتال اٹک میں جاری ہے، جبکہ ہسپتال میں ایمرجنسی بھی نافذ کر دی گئی ہے۔
ایمرجنسی افسر اٹک ڈاکٹر اشفاق نے کہا کہ بس پر خودکش حملے سے قبل فائرنگ بھی کی گئی، بس اسپیڈ بریکر عبور کرنے کے لیے آہستہ ہوئی تو حملہ آور کی طرف سے فائرنگ کی گئی۔
انہوں نے کہا کہ فائرنگ کے بعد ڈرائیور نے بس سے اتر کو فائرنگ کرنے والے شخص کو پکڑنے کی کوشش کی جس دوران حملہ آور نے خودکش دھماکہ کیا۔
قابل ذکر ہے کہ حالیہ دنوں ملک میں اکثر خودکش حملوں کی ذمہ داری تکفیری تنظیم داعش قبول کرتی آرہی ہے۔
