IQNA

8:42 - May 18, 2018
خبر کا کوڈ: 3504592
بین الاقوامی گروپ: رمضان المبارک کے حوالے سے منعقدہ قرآنی محفل سے خطاب میں رہبرمعظم نے بیت المقدس کو فلسطین کا دارالحکومت قراردیتے ہوئے فرمایا: اللہ تعالی کے فضل و کرم سے فلسطین دشمن کے قبضہ سے آزاد ہوجائےگا۔ امریکہ اور اس کے حواری کچھ نہیں کرسکتے

فلسطین کی آزادی الہی سنت ہے،امریکہ کچھ نہیں کرسکتا-رہبر معظم

ایکنا نیوز- رہبری ویب سایٹ کے مطابق رمضان المبارک کے حوالے سے حسینیہ امام خمینی (رہ) میں رمضان المبارک کی مناسبت سے منعقد محفل انس با قرآن منعقد ہوئی جس میں ملک کے ممتاز قاریوں اور حفاظ نے شرکت کی ۔ رہبر معظم انقلاب اسلامی کی موجودگی میں یہ سراسر نورانی محفل تین گھنٹے تک جاری رہی ۔

 

رہبر معظم انقلاب اسلامی نے اس نورانی اور ایمان افروز محفل کے شرکاء سے خطاب کرتے ہوئے فرمایا: مسلمان قرآن مجید کے سائے میں اپنی مشکلات دور کرسکتے ہیں قرآن مجید مسلمانوں کے درمیان اتحاد اور یکجہتی کا عظیم سرمایہ ہے ۔مسلمان حکمرانوں اور امت مسلمہ  کی قرآن مجید سے دوری کے نتیجے میں آج عالم اسلام مشکلات کا شکار ہے۔

 فلسطین کی آزادی الہی سنت ہے،امریکہ کچھ نہیں کرسکتا-رہبر معظم

رہبر معظم انقلاب اسلامی نے فرمایا: فلسطینیوں پر ہونے والے اسرائیلی مظالم پر اسلامی ممالک اور امت مسلمہ کو خاموش نہیں رہنا چاہیے اور بیت المقدس کے سلسلے میں اپنی ذمہ د اریوں پر عمل کرنا چاہیے فلسطین کی آزادی یقینی ہے اور فلسطینی اپنی سرزمین پر ایک دن ضرور آباد ہوں گے اور ان کے دشمنوں کو دنیا اور آخرت ميں شکست اور ناکامی کا سامنا کرنا پڑےگا۔

قرآنی محفل میں معروف قرآء اور قرآنی شخصیات کی بڑی تعداد شریک تھی ، پروگرام کے اختتام پر رھبر معظم کی امامت میں نماز باجماعت ادا کی گیی۔/

371458

نام:
ایمیل:
* رایے:
* captcha: