IQNA

13:48 - July 28, 2020
خبر کا کوڈ: 3507999
تہران(ایکنا) چلاس میں چھاپے کے دوران فائرنگ کے تبادلے میں ایک سب انسپکٹر سمیت سی ٹی ڈی گلگت کے پانچ جوان شہید اور پانچ زخمی ہوگئے۔

پولیس کے مطابق سی ٹی ڈی گلگت نے ملزمان کی گرفتاری کے لیے رات گئے چلاس کے رونئی محلہ میں ایک مکان پر چھاپہ مارا جہاں گھات لگائے شدت پسند تنظیموں کے عناصر نے پولیس ٹیم پر فائرنگ کردی جس کے نتیجے میں سی ٹی ڈی کا ایک سب انسپکٹر سہراب اور چار جوان شہید اور پانچ زخمی ہوگئے جب کہ  فائرنگ سے دو افراد بھی مارے گئے۔

پولیس کا کہنا ہے کہ مارے گئے دونوں افراد کے بارے میں تحقیقات کی جارہی ہے۔

ایس پی دیامر شیر خان کا کہنا ہے کہ سی ٹی ڈی پورے گلگت بلتستان میں کہیں بھی چھاپہ مار سکتی ہے اور واقعے کے بارے میں جو بھی حقائق ہوں گے سامنے لائے جائیں گے۔

دوسری جانب نگراں وزیراعلیٰ گلگت بلتستان نے آئی جی سے چلاس واقعے کی رپورٹ طلب کرلی۔ 

میر افضل خان نے کہاکہ چلاس میں پولیس پارٹی پر حملہ افسوس ناک ہے، دہشت گردی کے علاوہ ملزمان اسلحے کا کاروباربھی کرتے تھے، پولیس کی جرات کو سلام پیش کرتے ہیں، حکومت شہدا کے لواحقین سے دلی ہمدردی کا اظہار کرتی ہے۔

227606

نام:
ایمیل:
* رایے:
* captcha: