پشاور، مسیحی برادری کا سانحہ امامیہ مسجد پر اظہار افسوس
ایکنا نیوز کے مطابق مسیحی برادری کے وفد نے سانحہ امامیہ مسجد کی مذمت کرتے ہوئے اسے انسانیت پر حملہ قرار دیا، مسیحی رہنمائوں نے کہا کہ چرچ، مسجد، مندر یہ سب اللہ کے گھر ہیں، عبادت گاہوں کو نقصان پہنچانے والے کا کوئی مذہب نہیں ہوتا، دہشتگردی کی کوئی مذہب اجازت نہیں دیتا، دہشتگردی نے ہمارے ملک کا بہت نقصان کیا ہے، غم اور دُکھ کی اس گھڑی میں مسیحی برادری آپ کے ساتھ ہے۔
پشاور میں امامیہ مسجد میں ہونے والے دہشتگردانہ واقعہ کی مذمت کا سلسلہ جاری ہے، پشاور کے مختلف چرچز سے تعلق رکھنے والے مسیحی پادریوں نے سانحہ امامیہ مسجد کے حوالے سے شیعہ علماء کونسل پاکستان کے مرکزی سیکرٹری جنرل علامہ شبیر حسن میثمی سے ملاقات کی، اس موقع پر نائب صدر علامہ رمضان توقیر، مرکزی رہنما علامہ سیدناظر عباس تقوی، سکندر عباس گیلانی ایڈوکیٹ، زاہد علی اخونزادہ سمیت علاقائی تنظیمی شخصیات و عمائدین موجود تھے۔ مسیحی برادری کے وفد نے سانحہ امامیہ مسجد کی مذمت کرتے ہوئے اسے انسانیت پر حملہ قرار دیا، مسیحی رہنمائوں نے کہا کہ چرچ، مسجد، مندر یہ سب اللہ کے گھر ہیں، عبادت گاہوں کو نقصان پہنچانے والے کو کوئی مذہب نہیں ہوتا، دہشتگردی کی کوئی مذہب اجازت نہیں دیتا، دہشتگردی نے ہمارے ملک کا بہت نقصان کیا ہے، غم اور دُکھ کی اس گھڑی میں مسیحی برادری آپ کے ساتھ ہے..
