عازمین حج کیلئے فلائٹ آپریشن کا شیڈول تاحال جاری نہ ہو سکا

پاکستان سے عازمین حج کو حجاز مقدس پہنچانے کے لیے قبل از حج فلائٹ آپریشن کا شیڈول تاحال جاری نہیں ہو سکا۔

ایکنا انٹرنیشنل ڈیسک- جیو نیوز ذرائع کے مطابق  فلائٹ آپریشن 31 مئی سے شروع ہونا تھا جو تاحال جاری نہیں ہو  سکا ہے۔

ذرائع کا بتانا ہے کہ وزارت مذہبی امورکی جانب سے حج فلائٹ آپریشن سے متعلق پالیسی تاحال جاری نہیں ہوئی جس کے باعث فلائٹ آپریشن کا شیڈول جاری نہیں ہو سکا۔

ذرائع کےمطابق عازمین کو حج  پیکج  یا اخراجات کی تفصیل بھی تاحال معلوم نہیں ہو سکی ہیں۔

ذرائع کا کہنا ہے کہ پی آئی اے سمیت نجی ائیرلائنز نے فلائٹ آپریشن شیڈول جاری نہ ہونے پر تشویش کا اظہار کیا ہے۔