کیمپ میں قرآن پاک کی تلاوت کرتے ہوئے فلسطینی بچوں کی شہادت
ایکنا کے مطابق الجزیرہ کے حوالے سے عینی شاہدین نے بتایا کہ اس اسکول کی عمارت پر بمباری کے دوران متعدد بچے قرآن کی تلاوت کرتے ہوئے شہید ہوئے۔
حملے کی عینی شاہد ایک خاتون کے مطابق یہ چوتھا موقع ہے کہ اسکول کو بغیر وارننگ کے نشانہ بنایا گیا ہے۔
فلسطینی حکام نے اعلان کیا ہے کہ غزہ کی پٹی میں اقوام متحدہ کی ریلیف اینڈ ورکس ایجنسی برائے فلسطینی پناہ گزینوں (UNRWA) کے زیر ملکیت اسکول پر اسرائیلی فضائی حملے میں کم از کم 16 افراد ہلاک ہوگئے۔
جائے وقوعہ سے ایک ویڈیو کلپ میں دکھایا گیا ہے کہ بوڑھے اور جوان لوگ چیخ رہے ہیں جب وہ دھوئیں، دھول اور ملبے سے بھری سڑک پر زخمیوں کی مدد کے لیے بھاگ رہے ہیں۔
دریں اثنا، کیمپ میں ایک گھر پر علیحدہ فضائی حملے میں مبینہ طور پر 10 افراد شہید ہو گئے۔
عینی شاہدین کے مطابق حملے میں اسکول کی بالائی منزلوں کو نشانہ بنایا گیا جو کہ ایک مصروف بازار کے قریب ہے۔ اس عمارت کو تقریباً 7000 لوگ پناہ گاہ کے طور پر استعمال کرتے ہیں۔
حماس نے اس حملے کو بے دفاع بے گھر شہریوں کا قتل عام قرار دیا ہے اور اس بات پر بھی زور دیا ہے کہ شہید اور زخمی ہونے والوں میں بہت سے خواتین، بچے اور بوڑھے شامل ہیں۔
غزہ کی پٹی میں جنگ بندی کے مذاکرات میں کئی مہینوں تک کوئی پیش رفت نہ ہونے کے بعد حالیہ دنوں میں جنگ کے خاتمے کی امیدیں بڑھ گئی ہیں، مزاحمتی گروپوں اور صیہونی حکومت کے درمیان جلد معاہدہ طے پا جائے گا۔ حکومت نے اعلان کیا تھا کہ وہ اگلے ہفتے حماس کے ساتھ مذاکرات کے لیے ایک مذاکراتی ٹیم بھیجے گی۔
غزہ کی پٹی کی وزارت صحت کے اعدادوشمار کے مطابق غزہ کی پٹی میں اسرائیلی حملے کے نتیجے میں کم از کم 38 ہزار فلسطینی جاں بحق ہوئے، جن میں زیادہ تعداد خواتین اور بچوں کی ہے۔
4225403
