مشھد؛ بین الااقوامی مقابلوں کے پہلے دن خواتین مقابلے
ایکنا خراسان رضوی کی رپورٹ کے مطابق، اسلامی جمہوریہ ایران کے اکتالیسویں بین الاقوامی قرآن مقابلوں کا پہلا دن، خواتین کے شعبے میں، کل ستائیس جنوری کو صبح 8:30 سے 11:30 تک قدس ہال میں منعقد ہوا۔
اس حصے میں، آغاز میں اسما فلکی نے بطور اعزازی قاری قرآن کریم کی تلاوت کی۔ اس کے بعد آج کے پروگرام میں ترتیب وار زینب عبدالرحمن (مکمل حفظ) غنا سے، معصومہ محمدی (ترتیل) افغانستان سے، افنان رشاد علی یعقوب (مکمل حفظ) یمن سے، جمالیہ عبدالقادر (ترتیل) فلپائن سے، حنہ علی میرافی (مکمل حفظ) نائیجیریا سے، حورا حیدر حمزی (ترتیل) لبنان سے، اور کریمہ حاج براہیم (ترتیل) تھائی لینڈ سے قرآن کریم کی تلاوت کی۔
آخر میں، مرضیہ میرزائیپور نے بھی بطور اعزازی قاری قرآن کریم کی آیات کی تلاوت کی۔
یاد رہے کہ خواتین کے شعبے میں مقابلے قرائت ترتیل اور مکمل حفظ قرآن کے موضوعات پر 27 سے 29 کو صبح کے اوقات میں جاری رہیں گے۔ جبکہ مردوں کے شعبے میں قرائت تحقیق، قرائت ترتیل، اور مکمل حفظ قرآن کے مقابلے 27 سے 30 جنوری کو دوپہر کے اوقات میں تالار قدس آستان قدس رضوی میں منعقد ہوں گے۔
مردوں کے مقابلے 14:30 سے 21:00 تک جاری رہیں گے اور قرآن و معارف سیما چینل پر براہ راست نشر کیے جائیں گے۔/
4262071
