تلاوت آیت ۳۰ سوره فصلت قاری طہ کی آواز میں + ویڈیو
ایکنا نیوز کی رپورٹ کے مطابق، جب صہیونی حکومت نے اسلامی جمہوریہ ایران پر حملے کیے اور ایسے حالات میں کہ جب اسلامی انقلاب کے دشمن مختلف سازشوں کے ذریعے ایرانی قوم میں مایوسی پھیلانے اور ان کے حوصلے پست کرنے کی کوشش کر رہے ہیں، تو بین الاقوامی قرآن نیوز ایجنسی (ایکنا) نے ایک قرآنی مہم بعنوان "فتح" کا آغاز کیا ہے۔
اس مہم کا مقصد سپاہ اسلام کے مجاہدین کے حوصلے بلند کرنا، معاشرے میں امید اور سکون پیدا کرنا، اور قومی و بین الاقوامی سطح پر قرآن کے الٰہی پیغام کو عام کرنا ہے۔
قرآن کے بزرگ، نوجوان قاری اور قرآنی سرگرم کارکن اس مہم میں شرکت کے لیے سورہ مبارکہ فتح کی ابتدائی آیات، سورہ آل عمران کی آیت 139، سورہ نصر اور دیگر منتخب آیات کی تلاوت کر کے اپنی ویڈیو فائلز سوشل میڈیا پلیٹ فارمز (ایتــا، بله وغیرہ) پر fathadmin کے پتے پر ارسال کر سکتے ہیں۔
موصولہ ویڈیوز میں سے ایک ویڈیو میں امیر طہ قهرمانپور نامی نوجوان قاری نے سورہ فصلت کی آیت 30 کی تلاوت کی ہے، جسے درج ذیل میں پیش کیا گیا ہے:
إِنَّ الَّذِینَ قالُوا رَبُّنَا اللّهُ ثُمَّ اسْتَقامُوا تَتَنَزَّلُ عَلَیْهِمُ الْمَلائِکَةُ أَلاّ تَخافُوا وَ لاتَحْزَنُوا وَ أَبْشِرُوا بِالْجَنَّةِ الَّتِی کُنْتُمْ تُوعَدُونَ
ترجمہ: بے شک جن لوگوں نے کہا: "ہمارا رب اللہ ہے" اور پھر اس پر ثابت قدم رہے، ان پر فرشتے نازل ہوتے ہیں (اور کہتے ہیں): "نہ ڈرو اور نہ غمگین ہو، اور خوش ہو جاؤ اُس جنت کی خوشخبری سے جس کا تم سے وعدہ کیا گیا ہے!/
4296091
