عراق؛ زائرین کے لیے مفت آن لائن رہاش کی بکنگ کا اہتمام

ایکنا: اربعین حسینیؑ کے زائرین کے لیے "مفید" ایپلیکیشن کی جانب سے مفت آن لائن رہائش کی بکنگ سروس کا آغاز کردیا گیا ہے۔

ایکنا نیوز- عراق کی سرکاری خبر رساں ایجنسی کے حوالے سے بتایا جاتا ہے کہ "مفید" ایپلیکیشن کے ایگزیکٹو ڈائریکٹر، محمد الموسوی نے اربعین امام حسینؑ اور کربلاء کے زائرین کے لیے آن لائن مفت رہائش کی بکنگ سروس کے آغاز کا اعلان کیا ہے۔ اس اقدام کا مقصد زائرین کے لیے آرام دہ، محفوظ اور منظم قیام کی سہولت فراہم کرنا ہے۔

محمد الموسوی نے وضاحت کی کہ: "ہم نے گذشتہ برسوں کی طرح اس سال بھی عوامی تعاون اور تکنیکی بنیادی ڈھانچے کو بروئے کار لاتے ہوئے زائرین کے لیے محفوظ اور پُرامن قیام کی سہولت فراہم کی ہے۔ یہ ایک مشترکہ عوامی خدمت ہے جو زائرین کی خدمت کے جذبے سے سرشار ہے۔"

انہوں نے مزید بتایا کہ:

·       یہ انسانی خدمت فی رات 75,000 افراد کی گنجائش رکھتی ہے۔

·       ایپ میں فوری چیٹ، خودکار ترجمے کے ساتھ دستیاب ہے۔

·       6 بین الاقوامی زبانوں میں مدد فراہم کی جاتی ہے۔

·       24 گھنٹے تکنیکی سپورٹ بھی فراہم کی جاتی ہے۔

اب تک 25 سے زائد ممالک کے صارفین اس ایپ پر رجسٹر ہو چکے ہیں، اور توقع ہے کہ عراق کے اندر میزبانوں اور شرکاء کی تعداد میں اس زیارتی سیزن میں نمایاں اضافہ ہوگا۔

رہائش کی بکنگ کے لیے:

زائرین اربعین درج ذیل ربط پر جا کر اپنی رہائش بک کر سکتے ہیں: 🔗 https://trip.mofidapp.com

اگر آپ رہائش فراہم کرنا چاہتے ہیں:

اپنا گھر یا حسینیہ زائرین کے لیے پیش کرنے والے افراد درج ذیل ربط پر رجسٹریشن کر سکتے ہیں: 🔗 https://trip.mofidapp.com/ar/login?rd=/ar/hosts/create

4297626