Türkiyədə “Qüds azad olana qədər səs ver” mitinqi keçirilib

İşğalçı İsrail rejiminin Əqsa məscidinə qarşı tətbiq etdiyi qadağalara çox sayda qeyri-hökumət təşkilatların nümayəndələrinin etiraz etdi.

İQNA (Beynəlxalq Quran Xəbər Agentliyi) maide.az-a istinadla xəbər verir ki, ötən gün Türkiyənin İstanbul şəhərində Fatihdəki Saraçhane parkında, Gənc Hərəkət, İnsan Haqq və Azadlıqları Humanitar Yardım Vəqfi (İHH), Anadolu Tələbə Birliyi,Türkiyə Gənclik Vəqfi, Öndər Gənc və Memur- Sənin təşkil etdiyi etiraz aksiyasında işğalçı İsrail rejim əleyhinə şüarlar səsləndirilib.

Qurani-Kərim tilavətiylə başlayan proqramda danışan Anadolu Tələbə Birliyi Yüksək Müşavirə heyəti Üzvü Ramazan Kayan, Əqsa məscidindəki müqaviməti salamladıqlarını, İsrailin törətdiyi cinayətlərinin beynəlxalq arenalarda tənqid olunmaqla sona çatmayacağını bildirdi.

Kayan, Qüdsdə İsrailin müdaxilələri nəticəsində yaralılar və şəhidlər olduğunu qeyd edərək, bildirib: "Problemin həll yolu Birləşmiş Millətlər Təşkilatı deyil. İnşallah ümmətin birləşmiş ürəkləri sionizmin, imperializmin bütün çirkli planlarını boşa çıxaracaq. Qüds bizim qürurumuz, namusumuzdur, ümmətin yaddaşının, insaniyyət məktəbidir”.

Saraçhane parkında toplanan insanlar axşam namazını orada camaatla qılıb.