“Həsir” klipi – Ərbəin mövsümündə İran və Qafqaz arasında mədəni körpü + video
İQNA-nın məlumatına görə, Azərbaycan dilində ifa olunan “Həsir” klipi Kərbəla və Ərbəin mövzusunu dərin məzmunla təqdim edən yüksək səviyyəli mədəni-bədii layihədir. Əsər coğrafi sərhədləri aşaraq geniş auditoriyaya çatıb.
Klip “Bəyan Fərhəng” İnstitutunun sifarişi və doktor Arif Abdullayevin prodüserliyi ilə hazırlanıb. Layihənin məqsədi Əhli-beytin (ə) birləşdirici mesajlarını yaymaq, Qafqaz və İran xalqları arasında dini-mədəni ortaq dəyərləri gücləndirməkdir.
Klipin yaradıcı heyətinə mərsiyə hissəsində Hadi Kazımi və Şamil İsmayılov, şeir müəllifi Rza Əmiri, bəstəkar Fəriborz Xatəmi daxildir. Operator Əlnur Hüseynov, rejissor isə Hadi Şəkravidir. Əsər İmam Hüseynə (ə) olan sevgi və ehtiramı yadda qalan vizual üslubla təqdim edib.
Sosial şəbəkələrdə və regional mediada geniş yayılan layihə, müsəlman xalqların Aşura mədəniyyətinə olan dərin bağlılığını əks etdirib.
“Həsir” layihəsi “Bəyan Fərhəng” İnstitutunun Qafqaz və Avrasiya bölgəsinə yönəlmiş çoxdilli kontent istehsalı proqramının bir hissəsidir. Layihə mədəni körpülərin qurulması və xalqlar arasında əlaqələrin möhkəmləndirilməsi istiqamətində öz missiyasını uğurla yerinə yetirib.
Bu klip bir daha sübut edir ki, Aşura mədəniyyəti və incəsənət xalqlar arasında həmrəylik və həmzəbanlıq üçün ən təsirli vasitələrdəndir və Məhərrəm – Ərbəin mövsümü daha böyük birlik üçün mühüm fürsət ola bilər.
4299079
