İQNA-nın (Beynəlxalq Quran Xəbər Agentliyi) Mərakeşin rəsmi xəbər agentliklərinə istinadən verdiyi xəbərə görə Beynəlxalq “Quran, tərtil, xitabə və dəyərlər” seminarı dünən (4 yanvar) Mərakeş Alimlərinin Avropa Şurasını həmkarlığı ilə Belçikanın Brüksel şəhərində keçirildi.
Bu seminar Mərakeş, Misr, Türkiyə, İran, Almaniya, Fransa və Belçikadan olan məşhur Quran qarilərinin iştirakı ilə keçirilib. Seminarın haşiyəsində mədəni, dini və tərbiyəvi fəaliyyətlər də həyata keçirilib.
Avropa müsəlmanlarını Quranın hifzinə, Quranın mənasının dərkinə, İslam maarifini öyrənməyə həvəsləndirmək, Quranın müxəlif gözəlliklərini göstərmək, insanları Quran ilə tanış etmək və əxlaqi və insani dəyərləri açıqlamaq seminarın əsas hədəflərindən olmuşdur.
Bu seminarda beynəlxalq dərəcəli məşhur Quran qariləri və “tərtil” ustadları Avropa müsəlmanlarına tanıtdırıldılar.
Qeyd edək ki, Mərakeş Alimlərinin Avropa Şurası 2010-cu miladi ilində Belçikanın paytaxtı Brükseldə təsis edilmişdir.
1350834