Quran həyatda bəsirətli olmaq və düşmən tələsini tanımaq üçün əsas amildir
İQNA-nın (Beynəlxalq Quran Xəbər Agentliyi) verdiyi xəbərə görə iyul ayının 3-də Ayətullah Möhsin Qəraətinin çıxışı ilə keçirilən "Qurandan Dərslər" proqramı "Quran həyatın bəsirəti" mövzusu ilə keçirildi.
Bu dərsdə bəsirət, düşmən tələsi, iman iddiaçıları, Quran dastanları, ibrətlər, qeybi xəbərlər, həqiqi irfan və s... məsələlər barədə danışıldı.
Quran həyatda bəsirət və düşmən tələsini tanımaq üçün vasitə
Quran-Kərim buyurur: "Allahdan sizə bəsirət və hikmətlər göndərildi". – (Ənam/104). Bu ayədə "bəsirət" yəni hikmət, dünya görüşü, dədiq görə bilmək və ayıq-sayıq olmaq anlamındadır. Bəsirətli insan hər şeyə diqqətlidir və heç bir şey onun nəzərindən qaçmır. Məsələn başqasının yalandan ağlamağına aldanmır. Necə ki, Həzrət Yusifin qardaşları onu quyuya atdıqdan sonra gəlib ataları üçün yalandan ağladırlar ki, onu canavar yeyib. Bu dastanı Qurandan oxuyan insan öz həyatında diqqətli olur ki, hər ağlayanın göz yaşına inanmasın, çünki bəzi ağlamaqlar yalançıdır, Yusifin qardaşlarının ağlaması kimi.
Və ya Allah-Taala Qurnada münafiqlərin məscidi haqqında buyurur ki, "zərərli məscid"dir - (tövbə/107). Yəni hər məscid tikdirənin və hər məscidə gələnin zahiri səni aldatmasın. Hər məscid İslama və namaza xidmət etmək üçün deyildir. Bəlkə bəzi məscidlər Allahın dininə zərbə vurmaq və müsəlmanlar arasına təfriqə salmaq üçündür.
Başqa bir misal bu barədə "gözəl söz danışanlar"ı göstərmək olar. Allah-Taala Quranda buyurur ki, ey Peyğəmbər, bəzilərinin danışığı və qəşəng sözləri səni təəccübləndirməsin, onlar ən qatı düşməndir – (Bəqərə, 204), amma elə gözəl danışırlar ki, Peyğəmbəri (s) də təəccübləndirirlər.
Ayətullah Qəraəti dərsdə bundan başqa Quran ayələrində yalançı şüar verənlər (Yusif/11 və 12), yalançı iman iddiasında olanlar (Cümə/6; Fatir/37) barəsində də danışıb.
Quran dastanları, ibrətlər
Ustad Qəraəti Quran dastanlarının ibrət üçün olduğunu və məşğuliyyət üçün olmadığını vurğulayaraq Quran dastanların həqiqi və doğru tarix olduğunu önə çəkib – (Kəhf/13) və Quran dastanların adi deyil, bəlkə tarixin mühüm hadisələri olduğunu deyib.
O əlavə edib: Biz Quran qissələrini öz həyatımızda da icra etməliyik. Həzrət Yusifin (ə) iffətli və namuslu olması kimi – (Yusif/22) və Həzrət Yunisin (ə) balığın qarnından nicat tapması kimi – (Ənbiya/87) çətinliklərdə Allaha sığınaraq imtahanlardan üzüağ çıxa bilərik.
Dərsin davamında Ustad Qəraəti Quranın qeybi xəbərlərinə (Yusif/95; Tövbə/33) də işarə edib.
Ustad sözlərində həqiqi İrfanın fiqh və Quran yolu ilə əldə olunan İrfan olduğuna işarə edərək, falçıların və əliçi oxuyaraq taleyə baxanların yalançı olduğunu dedi və bu barədə belə bir dastan danışdı:
Ayətullah Möhsin Qəraəti: "Bir kişi nökərinə bir toyuq verib dedi: Bu toyuğu qöz ləpəsi ilə fisincanplov bişir gətir. Əgər dadlı olsa, səni azad edəcəm.
Nökər də azadlıq eşqi ilə bu qoz ləpəsi və toyuqdan yaxşı bir fisincanplov bişirdi. Kişi qozu yedi toyuğu yemədi.
Sonra nökərə dedi: Sabah bu toyuq və qoz ləpəsi ilə ləvəngi bişir, əgər dadlı olsa, səni azad edəcəm.
Nökər də azadlıq eşqi ilə bu qoz ləpəsi və toyuqdan yaxşı bir ləvəngi bişirdi. Kişi qozu yedi toyuğu yemədi.
Sonra nökərə dedi: Sabah bu toyuq və göyərti ilə yaxşı bir "gəyərtiplov" (səbziplo) bişir. Dadlı olsa, səni azad edəcəm.
Nökər dedi: Ağa, mən azadlıq istəmirən, zəhmət olmasa bu toyuğu azad edin ki, qazana gedib-gəlməkdən yoruldu!
İndi gərək bu falçılara deyəsən ki, öz əlinizə baxıb xəzinə tapın, bizim ələ baxmağınız lazım deyil!
