Qətərdə qadınlar üçün Qurani- Kərimin əzbər oxuma kursları təşkil olunub

Beynəlxalq şöbə: Qətərdə qadınlar üçün Qurani – Kərimin əzbər oxuma kursları təşkil olunub. Bu kurslar ikinci dəfədir ki, Qətərin "Eyd bin Məhəmməd Ali Sani" xeyriyyə müəssisəsi tərəfindən təşkil olunur. Kurslar üç ay davam edəcək.

İQNA Quran agentliyi Qətərin "Əl-Rayət" qazetinə istinadən məlumat verir ki, kurslarda 108 nəfər yeniyetmə və gənc iştirak edir. Kurslar QƏtərin Əl-Vəkrət şəhərində təşkil olunur.
"Eyd bin Məhəmməd Ali Sani" xeyriyyə müssisəsi bəyanat yayaraq bildirib ki, dərslər həftədə iki gün, saat 16-dan -18-ə kimi təşkil olunur.
Kursların təşkilindən məqsəd qadınlar və qızların Qurani – Kərimin əzbərləməsinə marağını artırmaq və onların İlahi kitabla daha yaxından tanış olmaqlarıdır.
Həmin müəssisə eləcə də yeniyetmələr üçün Qurani – Kərimin əzbər oxuma kursları təşkil etməyi planlaşdırır.
684597