ABŞ-da müasir İslami sənət əsərləri sərgisi təşkil olunacaq

Beynəlxalq şöbə: ABŞ-ın Pensilvaniya ştatının Pitsburq şəhərində aprelin 15-də “Amerikada müasir İslami sənət əsərləri” sərgisi təşkil olunacaq.

İQNA Quran agentliyinin Islamic Art Magazine saytına istinadən məlumatına əsasən, sərgi İslam dininə qarşı yanlış təsəvvürlərin qarşısını almaq və müxtəlif mədəniyyətlər arasında incəsənət dili ilə əlaqələr yaratmaqdır.
Sərgi iyul ayının 30-dək Pitsburq şəhərinin “Maykl Berger” rəsm qaleriyasında təşkil olunacaq. Sərgidə dünyanın müxtəlif ölkələrindən müasir müsəlman incəsnət xadimlərinin əl işləri sərgilənəcək.
Eləcə də sərgi çərçivəsində aprelin 16-da sərgidə sərgilənəcək sənətkarların əl işlərinin araşdırılması məqsədi ilə “Amerikada müasir İslami sənət əsərləri” adlı konfrans da keçiriləcək. 750962