İqna Quran Xəbər Agentliyi (İQNA): SCPR xəbər agentliyinin verdiyi məlumata görə, bir ispan dilli kanal (channel 44) üzərindən yayım həyata keçirən Salam TV Finiks əhalisi üçün yayımlanan ilk İslam televiziya proqramıdır.
Channel 44-ün müdiri Con Truqliya deyib: “Müsəlmanlar üçün belə bir proqram tərtib etdiyimizə görə çox xoşbəxtik.”
Proqramın istehsalçısı M. Əhməd bu şəhərdə 120 min müsəlmanın yaşadığını qeyd edərək deyib: “Proqramda “İftarda bizə gəlin” verilişini hazırlayarkən müsəlman ailələrinin qonağı olur, müxtəlif mədəniyyətlərlə tanış oluruq. Bu da channel 44-ün əməkdaşları üçün çox həyəcanvericidir.”
Proqramda həmçinin Quranın orijinal dildə qiraəti ilə yanaşı ingilis dilində tərcüməsi də verilir ki, İslamı qeyrei-müsəlmanlara tanıtdırsın. Salam TV-nin ən ən başlıca məqsədi İslamı insanlara öyrətməkdir. İzləyicilər əsasən müsəlmanlar olsa da, qeyri-müsəlmanlarla da ünsiyyət qurmaq da proqramın məqsədlərindəndir.
M Əhməd deyib: “Çalışırıq ki, İslamın hələ də tanınmamış tərəflərini açıb göstərək. Ramazan ayından sonra da bunu davam etdirməyi düşünürük. Əlbəttə, ümid edirik ki, bir gün Finiksdə İslami bir kanal fəaliyyət göstərəcək.” 845501
